अनीका ३७

आज सकाळ पासूनच घरामध्ये मस्तीचा मूड असतो ..आज राखीचा दिवस असतो ..(कथेमध्ये मागेच ह्यासंबंधी लिहलं होत आणि मध्येच कथा थांबली म्हणून पुन्हा आहे त्या वळणावरून सुरु करू ).अनु ने सुट्टी टाकलेली असते .मस्तपैकी चुडीदार घातलेला असतो ,केसांची छानशी नव्या पद्धतीने वेणी घातलेली असते,एका हातात खळखळणाऱ्या बांगड्या तर दुसऱ्या हातात एक घड्याळ,.कपाळावर छोटीशी टिकली,डोळ्यात काजल आणि ओठावर हलकीशी लिपस्टिक ,खूपच लोभस आणि सुंदर रूप होत तिचे .अगदी नाजूक फुलासारखे ,सकाळी उमललेल ताज टवटवीत नाजूक असे फुल .सगळेच मस्त तयार होतात. श्रेया  आणि आई दोघीही बाकी तयारी करून गाडीत ठेवतात .आई ची आपली गुलाबी रंगाची साडी असते तर आबा नि धोतर आणि सदरा घातलेला असतो .सगळे तयार होऊन निघतात .मोहन  मृणाल ला घेऊन आधीच निघालेला असतो ,तिथली तयारी बघायला .सगळे जण संस्थेत पोहचतात.संस्था खूप मोठी आणि छान असते.मोकळं मैदान एका बाजूला तर दुसऱ्या बाजूला राम मंदिर आणि सभोवती गार्डन ,ह्या दोघांच्यामध्ये दोन छोट्या इमारती.एका मध्ये वृद्ध तर दुसऱ्या इमारतीमध्ये अनाथ मुलं ..दोन्ही चा मेळ ह्या वास्तूत होता. सगळी वृद्ध माणसं राम मंदिरात भजन गात होती .तर मुले खेळात होती . ह्या संस्थेला एका मोठ्या कंपनीने आपल्या छत्र छ्याएखाली घेतल होत .आज ते सुद्धा कार्यक्रमाला उपस्थित राहणार होते ...