प्रेमाचे क्षण गवसले भाग 22

श्रुतीला हे ऐकून बरे वाटले की ज्या पैश्यामुळे घरच्यांच्या नजरेत वाईट झाले तो आता इथून पुढे नकोय..सगळ्यांसाठी सुख देणारी आई, सून,व्यवहार सांभाळताना स्व सुखासाठी थोडी ही जगली नाही..तरी इतके करून ही तिला कौतुक म्हणून कधी दोन शब्द लाभले नाही...पैसे वाचवतांना स्वतः पुढे ,आणि पैसे खर्च करताना ,इतरांच्या इच्छा पूर्ण करण्याच्या वेळी घरातल्यांचे सुख पुढे..हे करत करत आपण स्वतःला किती मागे पाडले हे समजलच नाही..स्वतः मागे राहिलो पण ज्यांच्या साठी मागे राहिलो त्यांना ही कधी वाटले नाही की तिला ही आपण पुढे घ्यावे ,सोबत घेऊन चालावे.. तिच्या आवडीला ही प्राधान्य द्यावे..तिच्या आवडी ही जपाव्यात..काळाच्या ओघात तिला वाटले इतरांनी विसरले हरकत नाही पण नवरा विसरला ?? ,तो कसा विसरू शकतो...तो तर साक्षी होताच ना माझ्या केलेल्या त्यागाचा...