पूर्ण प्रेम भाग 2 ( जलद कथालेखन)

निश्चल तर खरोखर हे रोजचेच असल्याप्रमाणे फोनवर बोलण्यात दूर सावली गाठून उभा होता.
... तिला आता शांत वाटत होते. निश्चल दूर असला की आपल्याला बरे वाटते हे एव्हाना पटले होते तिला.
जिथे एखाद्याच्या आजारपणात देखील राग , चिडचिड कमी न करणारा निश्चल... आणि एक तो...अगदी शांत शीतल चंदनासारखा...
पुन्हा त्याची आठवण येऊन गहिवर दाटला तिच्या मनात...
ते काळजीवाहू शामल कथ्थई डोळे...
नजरेत नजर घालून काहीतरी होतंय नक्की पण ते कळत नाही तुला हे सांगण्याची जाणिव,कळकळ...
बरं वाटावं म्हणून हे करू का ते करू ही धडपड...
"नको त्याच्या त्या आठवणी... हुश्श ",
म्हणत डोळे मिटून ती त्या आठवणींच्या लाटेला पुन्हा थोपवून धरण्याचा प्रयत्न करत होती.