नववधू प्रिया मी बावरते

सायलीचे हे गाणं म्हणजे अगदी जीव की प्राण आणि त्यातल्या त्यात लतादीदींचा आवाज म्हणजे सोने पे सुहागा परंतु आज अगदी खास कारण होते. अनिरुद्ध सायलीचा नवरा आज पंधरा दिवसानंतर बिजनेस टूर वरून परतणार होता. सायलीला अगदी कुठे ठेऊ नि कुठे नको झाले होते. तसं बघता सायलीला हे अनिरुद्ध चे बिजनेस टूर काही नवीन नव्हते. अगदी लग्नाच्या पंधरा दिवसानंतरही तो टूरला गेला होता परंतु जेव्हा जेव्हा तो जायचा तेव्हा तेव्हा सायलीची अशीच अवस्था व्हायची. अगदी आजही लग्नाला पंधरा वर्षे झाली तरीही. त्याला कारणही तसंच होतं. प्रेमविवाह होता दोघांचा. एकाच वयाचे, एकाच कॉलेजला प्रपोजही दोघांनी सारखेच केले पण नंतर ठरविले सेटल झाल्याशिवाय लग्न नको. शिक्षण आटपून अनिरुद्ध जॉबला लागला. इकडे सायलीलाही भरपूर ऑफर होत्या जॉबच्या, परंतु तिला जॉब करायचा नव्हता. ती नेहमी अनीला म्हणायची,