गळफास..

✨

हरून गेले मी, 

स्वतःला सिध्द करताना.. 

नाही उरले त्राण,

स्वतःचा पक्ष मांडताना.. 

✨

भरकटलेय कदाचित यश, 

मार्ग माझ्या प्रयत्नांचा शोधताना.. 

चढून वारंवार पायरी अपयशाची, 

आता थकलेय मनंही.. 

नवीन सुरूवात करताना.. 

✨

खचते प्रत्येकवेळी, 

नियतीचे हे वार सोसताना.. 

पण जोमाने राहते परत उभी, 

यशाला कवेत घेण्यासाठी.. 

✨

खुपतं माझ्या मनालाही, 

खेळ स्वतःच्याच भावनांचा करवून घेताना.. 

नाईलाज होतो माझा, 

स्वतःच्याच आयुष्याचा अंत शोधताना.. 

✨

वाटतं का केला नव्हता मी भविष्याचा विचार? 

ही वाट निवडताना.. 

म्हणून आता वाटतो 'आत्महत्या'  हा एकच उत्तमोत्तम उपाय, 

या जाळातून बाहेर पडण्याचा..

✨

या खेळाचे नियम कोण जाणे?

 कारण पुरे झाले हे हरण्याचे बहाणे.. 

कठीण झाले सारे पाहणे, 

डाव उलटे पडताना.. 

✨

पण जिंकण्याचे वेड, 

मनातले वादळ शांत करेना.. 

 घेते मन भरारी,

 नवीन संधी हुडकताना.. 

✨

ही अपयशाची पायरीही, 

जागवते मनात नवचेतना.. 

अनुभवाचे सारे बोल, 

नवप्रयत्न करण्यास देते मनास प्रेरणा.. 

✨

म्हणून आता तो गळफासही, 

देतो इशारा मला जगण्याचा.. 

हार न मानता, 

अविरत प्रयत्न करण्याचा.. 

✨

✍️

✨❣️ श्रावणी ❣️✨