Feb 24, 2024
राज्यस्तरीय करंडक कविता

काय असते सुखाची परिभाषा

Read Later
काय असते सुखाची परिभाषा


कवितेचे नाव : काय असते सुखाची परिभाषा

कवितेचा विषय : सुखाची परिभाषा

राज्यस्तरीय कविता स्पर्धा फेरी -२


सांगा ओ काय असते
सुखाची परिभाषा
तू माझी मी तुझा
हीच नात्यातली आशा

हेकेखोरपणे वागून
अति ताणलं तर तुटतं
आणि थोडं सैल सोडलं
तर तुटण्यापासून वाचतं

वेळीच ओळखता आलं पाहीजे
आपलं कोण, परकं कोण
नाहीतर सोडवत बसावा लागतो
गुंतलेल्या नात्यांचा त्रिकोण

अवास्तव अपेक्षांच्या ओझ्याने
नात्यांचा जीव गुदमरतो
दुसऱ्याच्या अपेक्षा पूर्ण करताना
माणूस स्वतः मात्र हरतो

अहंकार आपला नका हो कुरवाळू
त्या अहंनेच होतो नात्यांचा वांदा
नको दुरावा मनात आपल्या
किंमत करावी नात्यांची सदा

हे तुझं, हे माझं असे नव्हे तर
नात्यात असावं आपलं हीच आशा
कमी अपेक्षा अन् तडजोडीची तयारी
हीच खरी सुखाची परिभाषा


✍? माधवी पंकज हांडे

जिल्हा : ठाणे 

ईरा वाचनाचा आनंद घ्या आता app मधून, आजच download करा. Download App Now
ईराच्या कथांचे कुठलेही भाग मिस करू नका, आजच जॉईन करा ईरा वाचनालय. व्हाट्सएप: व्हाट्सएप:
Circle Image

माधवी

House Wife

I Am Special

//