वैखरी एक प्रेमकथा भाग-१३

वैखरीच्या मनात वसंतशिवाय दुसरा विचार नव्हता . तिला एकच चुटपूट लागली होती . वसंत आतूचा मुलगा आहे की नाही हे कसं निश्चित करावं . ह्याविषयी स्वराशी बोलावं का? असा प्रश्न ती मनाला करत होती त्यावेळी तिला उत्तर मिळायचं स्वराला सांगीतले तर आतू बद्दल आजवर घरच्यांनी लपवलेलं सत्य उघडं होईल त्यामुळे याबाबत कुणाकडे बोलावं ती गोंधळलेली होती . आतूजवळ बोललं तर आतू जाणून घ्यायला उताविळ होईल भावूक होईल घरातील वातावरण विस्कळित होईल . अशा विचारानी वैखरी अस्वस्थ होती . काय करावं तिला कळतं नव्हतं . शेवटी तिनी मनाशीच निर्णय घेतला ह्याचे उत्तर काळावर सोडावं वेळ आली की होईल सर्व ठीक .
"ज्या प्रश्नाचं उत्तर माणसाकडे नसते ते उत्तर काळ देत असतो फक्त संयम हवा ", हे आजीचे वाक्य वैखरीला आठवले आणि तिनी तसेच करायचे ठरवले .