तुम देना साथ मेरा--भाग 15

"नाही राज, खरंतर आभार मानायला हवे तुझे.
आदी गेल्यावर अगदी पुतळ्यासारखी झाली होती आभा, तिला तो धक्का पचवणे जड जात होतं.
डॉक्टर म्हणाले होते की तिने तिच्या भावना मोकळ्या करायला हव्यात. मनसोक्त रडायला हवं तरच हा भावनिक कोंडमारा कदाचित दूर होईल.
आमच्यासाठी का होईना , हळूहळू ती सावरत तर होती पण मोकळी मात्र झालीच नव्हती. आज इतक्या महिन्यानंतर हे घडलंय, रडून रडून मोकळी होतेय ती आणि त्यासाठी तुझेच आभार मानावे तितके थोडे आहेत.
तिच्यासाठी शेवटी तुझे रंग आणि चित्र हेच कामी आलेत असं म्हणावं लागेल," आबासाहेबांनी हात जोडले.