तू ही रे... कसं जगायचं तुझ्याविना 20

अर्जुन चे लग्न फिक्स झाल्यापासून मामी खूप खुश होती,  कारण आता आकाश ची लाईन क्लिअर झाली होती..... मामीच आकाश साठी मुली बघणं सुरू झालं होतं...... मामी ने खूप हाय प्रोफाईल च्या मुली शोधून आणल्या होत्या,  रोज आकाशला एक एक फोटो दाखवून भंडावून सोडायच्या....... पण आकाशच्या मनात मात्र एकच भरली होती अंजली....... जेव्हा पासून त्याने अंजलीला बघितलं होतं तेव्हापासून डोक्यात अंजली चे विचार सुरू होते...... पण त्याची घरात बोलायची हिंमत होत नव्हती.... दोन-तीनदा बाहेर जाताना मार्केटमध्ये त्याला अंजली दिसली होती...... हाय-हॅलो च्या पुढे त्याचं तिच्या सोबत बोलायची हिंमतच होत नव्हती...... अंजली ची अवस्था सुद्धा सेम होती...... आकाश दिसला कि अंजली लाजून मान खाली घालून तिथून निघून जायची....... आकाशला अंजली बद्दल माही सोबत बोलावसं खूपदा वाटलं....माही घरी यायची , पण तेव्हा त्याची बोलायची हिंमत व्हायची नाही आणि ऑफिसमध्ये अर्जुन तिच्यावर इतका चिडायचा की तिथे पण त्याला तिच्या सोबत बोलायची हिंमत होत नव्हती...... आकाशला वाटायचं की अर्जुन सुद्धा अंजली साठी नाहीच बोलणार..... म्हणून घरात त्याने कोणालाच काही सांगितलं नव्हतं.....तसेपण अर्जुन च लग्न होईपर्यंत त्याच्याजवळ वेळ होता.....