तू ही रे... कसं जगायचं तुझ्याविना 93 (अंतिम)

       अर्जुन माहीचा सुखी संसार सुरू झाला होता . दोघेही अजूनही तसेच भांडत होते जसे ते आधी भांडायचे. माही त्याला नेहमीच खडूस आणि ड्रॅक्युला च म्हणत होती, तो सुद्धा ते एन्जॉय करत होता. घरात आनंदी वातावरण होते. अधून मधून मामी ची कुरकुर सुरू असायची. नलिनी ने मीरा ला पूर्णपणे स्वीकारले होते. मिरा आता मिरा अर्जुन पटवर्धन होती, ती शाळेत जात होती . श्रिया पुढले शिक्षण घेण्यासाठी अब्रोड गेली होती. आता तिने स्वतःला प्रेम सारख्या गोष्टींपासून दूर ठेवले होते. तिने पूर्ण लक्ष आपल्या करिअर आणि एज्युकेशन वर दिले होते, आणि लग्न आपल्या परिवारावर सोडले. घरच्यांनी पण काही घाई केली नाही . आकाश अंजली कडे गोड बातमी होती, दोघंही लवकरच आईबाबा बनणार होते. आशुतोष आणि अनन्याने रुही ला भावंडं हवे म्हणून एक मुलगी दत्तक घेतली होती. आशुतोष स्वतः अनाथ होता , म्हणून परिवाराचे महत्त्व त्याला माहिती होते . 

माहीचे आईवडील गावी राहत होते . माही कधीतरी जाऊन यायची . मंजूने पुढले शिक्षण सुरू केले होते , सोबतच ती नोकरी करत होती. स्वतसाठी खंबीरपणे उभी होती. मनीष सुद्धा जॉब करता करता शिक्षण घेत होता. माहीच्या आई वडिलांना त्यांनी केलेल्या गुन्ह्याचा खूप पछतावा होता . झालेले तर ते बदलू शकत नव्हते , पण आता गावात त्यांनी मुलींचं शिक्षण , आणि त्यांच्या सेफ्टी साठी लागणाऱ्या गोष्टी , गावातील लोकांना शिक्षित करणयचे काम सुरू केले होते. आजी आणि नलिनी सांभाळत असलेले ड्रेस डिझायनिंग त्यांनी माहीच्या हवाली केले होते. आत्याबाई , आणि छाया माहीला ला यात मदत करत होत्या. Bridal dress designing चा जो फॅशन शो होणार होता त्यात माही आणि टीम ने पहिला क्रमांक पटकावला होता. आता माही ची स्वतःची एक वेगळी ओळख निर्माण झाली होती. माहीने आता आपले वेगळे ड्रेस डिझायनिंग चे फर्म सुरू केले होते. कुठेतरी तिला सुद्धा अर्जूनचे म्हणणे पटले होते की पैसा असला की पॉवर आपोआप मिळतो. आणि तिला पैसे आणि पॉवर या दोन्ही गोष्टींची गरज होती.