तू ही रे... कसं जगायचं तुझ्याविना 87

लग्न अगदी दोन दिवसांवर येऊन ठेपले होते . लग्नाची बहुतेक सगळी तयारी झाली होती . अगदी जवळचे नेहमीचे नातेवाईक बोलावले होते. माही च्या परिवाराचे तर कोणी नातेवाईक नव्हतेच , बाकी पटवर्धन परिवाराचे थोडे फार जवळचे लोकं होते . लग्न शांतीसदन मध्ये करायचे ठरले होते आणि माही ला सगळी तयारी तिच्या आवडीने करायची होती , तर तिचे सतत शांतीसदन मध्ये ये , मग रात्री परत घरी जा असे सुरू होते . तिची होणारी ओढतान बघून शेवटी आजी ने माहीच्या परिवाराला इकडेच बोलावून घेतले होते . आत्याबाईंनी आधी नकार दिला होता , पण सगळ्यांची इच्छा बघून शेवटी त्यांनी पण होकार दिला … पण लग्न आधीच कसे तिथे राहायचे असे आत्याबाईंचे म्हणणे होते , म्हणून मग माहीच्या परिवाराची राहण्याची सोय तिथेच शांतीसदन मधील आऊट हाऊस मध्ये केली होती . त्यामुळे आता माही मनसोक्तपणे सगळी हवी तशी तयारी करू शकत होती . माही ने तर ऑफिस मध्ये दोन महिन्यांची सुट्टी टाकली होती , अर्जुन मात्र ऑफिस ला जात होता . पण आता लग्न जवळ आल्यामुळे घरच्यांनी जबरदस्ती त्याला सुट्ट्या घ्यायला भाग पाडले होते , आणि लग्न असलेल्या आठवडाभर अजिबात लॅपटॉप ला हात लावायचा नाही अशी ताकीद सुद्धा दिली. अर्जुन दिवभर घरी आणि काम नाही यात सगळ्यात जास्त खुश मीरा झाली होती … दिवसभर ती त्याचा सोबतच असायची.