तू चाल पुढं…! (भाग-3)

"अग लहान आहे अजून तो. त्याला नाही कळणार त्याची आई किती पुण्याचे काम करतेय ते ! आई आणि तिच्या नवजात शिशुला जन्म देणारी ती एक देवीच आहे. तू काही काळजी करू नकोस. मी सोहमला त्याच्या आईचे महत्व अगदी त्याच्या नकळत पटवून देईन." निशा पुढे म्हणाली , "आणि अगं आई चांगली किंवा वाईट कधीच नसते. आई ही आईच असते. प्रत्येक आईला आपल्या मुलाचे सुख आणि त्याचे उज्वल भविष्य हवे असते आणि त्यासाठी रात्रंदिवस कष्ट घ्यायलाही ती तयार असते. तू चांगली आई आहेस लक्षात ठेव. "तू चाल पुढं..!" म्हणून निशाने श्वेताच्या पाठीवरती हात ठेवला.