ट्रेंडिंग लव हॅशटॅग - स्वररागिणी (भाग - तीन )

"नमस्कार, आजच्या स्वरसाक्षी संगीत विद्यालया तर्फे घेण्यात येणाऱ्या संगीत समारोहात सर्वांचे हार्दिक स्वागत. रसिक हो संगीत हे मनाला प्रफुल्लित करणार शस्त्र असत. संगीत मनाला आनंद देत संगीत प्रेरित करत हीच तर खरी गंम्मत आहे संगीताची मनाला स्पर्शून जाणार संगीत याच सांगितने उपचार देखील केले जातात अजून काय सांगावी महती या संगीत विश्वा ची आज याचा समारोह आणि आता याच समारोहाला आपण सुरवात करत आहोत पण तत्पूर्वी मी आपल्याला लाभलेले आजचे प्रमुख पाहुणे सुप्रसिद्ध संगीतकार विनयबुवा जोशी, पंडित योगेंद्र नाथ जी आणि सुप्रसिद्ध गायिका रत्नमाला यांचे परिचय करून देऊ इच्छिते.
संगीतकार विनयबुआ जोशी हे एक प्रसिद्ध सांगीतकार असून त्यांनी आजपर्यंत 300 हुन अधिक गीतांना संगीत दिलय आणि त्यांची सगळी गाणी आजही आजरामर झाली आहेत. पंडित योगेंद्र नाथ जीं बद्दल सांगायचं झाल तर योगेंद्र नाथ जीं ना संगीत कलेचा वारसा आपल्या वडिलांकडून मिळाला आहे. पंडीत जीं चे वडील हे सुप्रसिद्ध गायक गुरुनाथ जी असून गुरुनाथ जीच योगेंद्र नाथ जीं चे पहिले गुरु ही होत. आज योगेंद्र नाथ जी ज्या प्रसिद्धी ला बघत आहे ते आपल्या वडिलां मुळे आहे अस यांचं म्हणणं आहे. सुप्रसिद्ध गायिका रत्नमाला अपेगावकर या एक प्रसिद्ध गायक असून यांना ही संगीताच बाळकडू त्यांच्या घरातूनच मिळालं आहे रत्नमाला जींची आई एक प्रसिद्ध गायिका होत्या त्यांची गाणी आजही लहान मुलांच्या ही तोंडून आपण नेहमीच ऐकतो लहानपणापासूनच तीच संगीताची आवड रत्नमाला जींना ही लागली आणि त्यांचा संगीताचा प्रवास सुरु झाला. आज रत्नमाला जींची देखील 200 हुन अधिक गाणी आपल्याला ऐकायला मिळतात आपले भाग्य आहे आजच्या समारोहला आपल्याला असे दिग्गज पाहुणे लाभले आहेत. मी तिन्ही पाहुण्यांना स्थानापन्न होण्याची विनंती करते व आमचे सर संगीताचार्य अनिरुद्ध जींना विनंती करते त्यांनी पाहुण्यांच स्वागत कराव आणि दोन शब्द बोलावेत." प्रसिद्ध निवेदक गायत्री दातार