अज्ञात जागेचे प्रवासी. भाग - ५.

एक बुटका व्यक्ती तिथे बसला होता हवेत तो तरंगत फिरत होता एखाद्या ग्रहाप्रमाणे. तो ही इथल्या व्यक्ती प्रमाणेच होता पण विशेष बाब म्हणजे जी त्याला या सगळ्यांपासून वेगळी करत होती. त्याचे डोळे दिसत नव्हते तरी तो आपल्या कडेच पाहत आहे असे वाटत होते. त्यांच्या हातात कसलेतरी विचित्र प्रकारची काठी समान काही वस्तू होती जी चकाकत होती. तो व्यक्ती तरंगत तरंगत खाली आला आणि स्थिर झाला. त्या चौघांकडे पाहू लागला. त्याचा सपाट चेहरा त्याच्या समोर वळला होता. मध्येच त्या चौघांना कसलीतरी गुणगुण अथवा अस्पष्ट ध्वनी ऐकू आला तो काय होता ते मात्र त्यांना अजिबात समजले नाही. कदाचित त्यांच्या सोबत आलेल्या व्यक्तीसोबत हे संवाद साधत असतील पण कशा प्रकारे हा प्रश्न चौघांनाही पडला. तो ध्वनी अथवा गुणगुण सारखा आवाज बंद झाला आणि तो व्यक्ती काही फुटांवर तरंगू लागला. क्षणार्धात तिथे होलोग्राम प्रकट झाला आणि त्यात त्यांच्या समान व्यक्ती दिसून आली. त्या व्यक्तीचे पोषाख मात्र लालभडक होते. पुन्हा एकदा ती गुणगुण किंवा ध्वनी त्या चौघांना ऐकू आली. जसा की तो तरंगणारा व्यक्ती त्या होलोग्राम मधल्या व्यक्तीसोबत संपर्क साधात असावा.