अज्ञात जागेचे प्रवासी. भाग - २

अचानक परत धक्का बसला आणि रेड अलर्ट चा बीम बीम असा धोक्याची सूचना देणारा आवाज ऐकू येऊ लागला. ते ऐकून दोघेही चकित झाले.‌ अचानक विमानातील दोघाचे सीट पुढे ढकलले गेल्याने ते जोराने काचेवर आपटले. काच मजबूत असल्याने दैव बलवत्तर म्हणून दोघे विमानाच्या खिडकीच्या बाहेर फेकले गेले नाही. इतका वेळ सर्व काही सुरळीत असताना हे काय घडत आहे दोघांना कळेना. विमानातील स्पीडचे दाखवणारे काटे उलट्या दिशेने फिरू लागले. विमानांची गती कमी होऊ लागली आणि विमानाची खालची बाजू वर उचलली गेली आणि विमान सरळ खाली खाली गतीने जाऊ लागले. त्याचा वेग मंद होता पण ते समान दिशेने खाली खाली जात होते. अभय आणि शार्दूल ने विमान कंट्रोल करण्याचे खूप प्रयत्न केले पण सर्व प्रयत्न अयशस्वी ठरले. अभयने ऑटो पायलट मोड ऑन केला आणि सर्व सिस्टीम तपासायला सुरुवात केली कुठे काही फॉल्ट झाला आहे का किंवा काही यंत्रणेत बिघाड झाला आहे का हे बघायला सुरुवात केली पण त्याला कुठे च काही गडबड किंवा यंत्रणेत बिघाड झाला आहे हे कळत नव्हते. सर्व काही सुरळीत असताना विमानात हा बिघाड झाला कुठून?