पेरूचा वाटा घेऊन बसली होती
परिस्थिती ने खंगली होती
पेरू ही तसेच तिच्यासारखे दिसत होते
कित्येक लोक दोघांना ही बघून पुढे निघून जात होते
कोणी ही त्यांची परिस्थिती पाहिली नाही
कोणाला ही खंगलेली ती दिसली नाही
तिची व्यथा समजली नाही
रोजच असे कित्येक असतात
असे कसे ते रहातात
त्यांच्याकडे बघून ते फळ का कोणाला घ्यावेसे वाटतात का
म्हणून ते un hygenic फळे का घ्यायचे त्यापेक्षा मॉल मधले घेतलेले बरे
ते लोक तरी दिसायला बरे असतात
त्यांचे पेरू ही तसेच दमदार आणि दामदार असतात
थोडें जास्त पैसे गेले त्यांना तरी हरकत नाही
आपली परिस्थिती काही वाईट नाही
आपण आपल्या परिस्थिती नुसार वागायचे असते
हेच सगळे विचारून त्या बाई समोरून जात असतात..
पुन्हा आज ही कोणी तिचे फळ घेतलेले नसते
ती तशीच खंगुण गेलेली
तिचे फळ ही तसेच तिच्यासारखे खंगुण जातात
शेवटी ती ही रस्त्यावर जिवंत असून नसल्यासारखी
कोणाला तिची काही पडलेली नसते
ती एकटी तिच्या परिस्थिती शी झुंज देत असते
रोज तशीच कोणाच्या तरी मदतीची आस घेऊन फळ विकतील म्हणून बसलेली असते..
©®अनुराधा आंधळे पालवे
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा