दि लूप होल सिझन 2 भाग २९

अभिज्ञा आणि अगम्य आता त्या पुस्तकाच्या तिसऱ्या कथेत पोहचले होते.ते सावधपणे सगळीकडे पाहत होते तर ते एका घनदाट जंगलात होते.सगळीकडे मोठे मोठे वृक्ष, वेली आणि सूर्यप्रकाश ही जमिनी पर्यंत नीट पोहोचू शकणार नाही अशी घनदाट झाडी! पण एक गोष्ट मात्र दोघांना ही खटकत होती ती म्हणजे अजून दिवस असताना देखील प्राणी,पक्षी कुठेच दिसत नव्हते ना कसला आवाज ना प्राण्यांचे मुक्तपणे बागडणे!सगळीकडे एक विचित्र शांतता पसरली होती आणि खूपच घबराहटीचे किंवा दडपणाचे वातावरण आहे असे जाणवत होत्या.तिथले दडपण अगम्य आणि अभिज्ञा देखील जाणवत होते. एक हरीण जिवाच्या आकांताने पळत असल्याचे दिसले आणि सगळी शांतता भंग करत एक लांडग्याच्या कळप त्याच्या मागे पळत होता! हरीण आता थकायला आले होते आणि त्याला त्याचा मृत्यू आता समोर दिसत होता.म्हणून मग ते आता लांडग्याना शरण जाणार असे अगम्य आणि अभिज्ञा जाणवले म्हणून अगम्य पुढे जाणार तर इतक्यात एक भलामोठा रुबाबदार सिंह त्या हरणाच्या आणि लांडगण्यांच्यामध्ये येऊन उभा राहिला.,इतका वेळ चेकळलेले लांडगे आता त्याला पाहून दबक्या पावलाने मागे जात होते.सिंहाने एक गगनभेदी डरकाळी फोडली आणि तो बोलू लागला.