सर्कस भितीची क्रूरता. भाग - ७.

आपण ज्यांच्याशी तुलना केली तो हा मूर्तीशी साम्य दर्शवणारा जोकर नाही यांच एक क्षणिक समाधान ओजस च्या मनाला मिळाले. अज्ञात असलेले त्यांचे मन या दिखाव्याच्या आभासात अडकले होते. या आभासी विश्वात कित्येक अशी निष्पाप मने अडकली आणि शेवट त्यांचा ज्यांची कोणालाही कल्पना ही न करावी असा झाला. दुसऱ्या विश्वातील वाईट शक्तींचा जीवन या अश्याच निष्पाप मने असलेल्या जीवावर च पोषण होतं होते म्हणूनच कोणत्या न कोणत्या दृष्ट व्यक्तीच्या लोभ अथवा वाईट प्रवृत्ती मुळेच कोणत्या ना कोणत्या रूपात यांचं आगमन होताच विनाशाचा खेळ सुरु होऊन त्यात रक्तपात, हवस ची पूर्तता करण्यासाठी अनेक निष्पाप आत्मे कैद झाले आणि त्या शैतानी शक्तीची ताकद वाढली. ओजस च्या पुढे असाच अनुभव काळाच्या पडद्याआड प्रतीक्षा करत होता.