या आधी -
विवान एका अनोळखी शहरात पोस्ट ग्रॅजुएशन करण्यासाठी आला होता . थोडी फार ओळखीपासून उमेश , अक्षय , जयदीप , दत्ता आणि हा असे पाचजण मिळून रूममध्ये राहण्यासाठी तयार झाले होते . पहिल्या दिवशी फक्त विवानच राहण्यासाठी आलेला होता . दत्ता त्याच्या पुढच्या दिवशी रूममध्ये राहण्यासाठी येणार होता . तूर्तास विवान एकटाच रूममध्ये होता . रात्री जेवत असताना स्नेहल नावाची त्याच्याच मैत्रिणीकडून त्याला मेसेज येतो . मेसेज बघून तो तिला फ़ोन करतो . या दोघांमध्ये खूपवेळ गप्पा चालू होती . मागच्या आठवणी काढत दोघे हरवून गेले होते . त्याच आठवणी आठवत विवान रात्री झोपी गेला .
-------------------------------------------------------------
यापुढे -
विवानला रूमध्ये राहून खूप दिवस झाले होते . दत्ता , उमेश आणि अक्षय यांनी सुद्धा रूममध्ये राहण्यासाठी आलेले होते . उमेश तर बेड , कॉम्पुटर , टेबल, खुर्ची सगळी सुविधा रूममध्ये आणलेला होता . जयदीपला मात्र बाजूच्या रूममध्ये राहू लागला होता . कारण , एकाच रूममध्ये पाचजण राहणं अवघड होणार होत . नाईलाज म्हणून त्याला बाजूच्या रूममध्ये राहाव लागल . बाजूची रूम आणि विवान राहत असलेला रूम एका दारेने जोडलेली होती . त्यामुळे जयदीप विवानच्या रूममध्ये येऊन गप्पा मारू शकत होता .
कॉलेज 12 वाजता सुरु होत होती . त्यामुळे रूममध्ये सगळे निवांत तयार होत होते आणि खानावळही कॉलेजजवळ असल्याने 11वाजता ते सगळे रूममधून निघत असत . खाणावळमध्ये त्यांचे सिनिअरसुद्धा जेवायला येत होते . त्यांच्याशी सुद्धा ओळख झालेली होती . ओळख इथं पर्यंत झालेली होती कि ते त्यांच्याशी मोकळ्या मनानी गप्पा मारत होते .खाणावळमध्ये जेवून तिथूनच कॉलेजला जात असत .अशीच दिनचर्या त्यांची चालली होती .
नुकताच पहिला लेक्चर संपलेला होता . सगळे त्या मधल्या वेळात गप्पा मारत होते . विवानच्या बाजूला दत्ता बसत होता .
विवान -" मला कळत नाही .. एवढे मुली दररोज एवढ्या लांबून कसे काय येतात ?"
दत्ता हसत म्हणाला .
दत्ता -" घरी धुणीभांडी लावतात म्हणून येतात ..."
हे वाक्य ऐकताच विवानही हसायला लागला . तेवढ्यात वर्गात काही मुलंमुली आले . त्यांना बघताच समजल कि हे सगळे सिनियर आहेत . समोर येताच त्यातला एकजण बोलू लागला . विवान या सिनिअरसोबत ओळख ठेवून होता . त्यामुळे काहीतरी नवीन नक्कीच आहे , अस त्याला वाटू लागल . त्यात एक जण पूढे येऊन म्हणाला .
तो -" तुमच कॉलेज सुरु होऊन 15 दिवस झाले . तर तुमच्या स्वागतासाठी आम्ही म्हणजे एम .एस सी सेकंड इयरचे विद्यार्थी तुम्हाला फ्रेशर्स पार्टी देणार आहोत . तरी तुम्ही सगळे उपस्थित राहावे ."
यानंतर त्यांच्यासोबत आलेल्या मुलींपैकी एकीने पुढे येऊन म्हणाली .
ती -" त्यादिवशीच जेवण आमच्याकडून असणार आहे . त्यामुळे कोणीही त्यादिवशी टिफिन आणू नका . तुम्ही फक्त मस्त नटून या .."
तो -" पार्टीमध्ये खुपसारे गेम्स आहेत . त्यामुळे सगळे नक्की या .. आणि हा त्या पार्टीसाठी आम्हाला तुमचे नाव पाहिजे होते . त्यामुळे या कागदावर लिहून द्या ."
अस म्हणून त्यांनी एक कागद मुलीकडे दिले आणि एक कागद मुलांकडे दिले आणि ते सगळे बाहेर गेले . ते जाताच वर्गात चर्चा सुरु झाली . त्यात मुलींचा जास्त आवाज होता . साहजिकच संख्या मुलींची जास्त होती , म्हणून चर्चा तर होणारच . मुलांमध्ये तेवढी काय उत्सुकता नव्हती . त्यांच्यासाठी ते दिवस मज्जासाठी आणि लेक्चर बंक करण्यासाठी होणार होती .
सगळे लेक्चर संपले आणि चहाची वेळही झालेली होती . हे नेहमी चहा कॅन्टीनमधून न पीता बाहेर जाऊन पित असत . कॉलेजसमोरील हायवेच्या उताऱ्याला एक मंजुळाचा गाडा होती . तिथली पोहे आणि चहा खूपच प्रसिद्ध होती . कॉलेजचे मुलंमुली इथूनच चहाचा आणि पोहेचा आस्वाद घेत असत . तिथूनच विवान आणि बाकी सगळे चहा घेत असत .
हे सगळे चहा पिण्यासाठी त्या गाड्यावर गेले . चहा घेत असताना तिथे त्यांचे सिनियर ही चहा पिण्यासाठी आले . ते सुद्धा चहा घेऊन यांच्यासोबत गप्पा मारू लागले . इथले तिथले गप्पा चालू होत्या .
जयदीप -" अहो सिनियर फ्रेशर्स पार्टीमध्ये काय स्पेसिअल आहे ?"
त्याच सिनिअरपैकी एकाने म्हणाला .
सिनियर -" जेवण आहे कि तुम्हाला ... अजून काय पाहिजे ?"
जयदीप -" असं नाही ... गेम्स काय आहेत ?"
सिनियर -" आहेत कि ..."
उमेश -" मग सांगा कि ..."
सिनियर -" ते तर सीक्रेट आहे . ते कस सांगता येईल ?"
विवान -" म्हणजे सरप्राईझ आहे तर ...."
सिनियर -" हो तर ..."
संध्याकाळ होत आलेली होती . अखेरचा निरोप देऊन हे सगळे रूमकडे निघाले . रूममध्ये पोहचताच सगळे आधी फ्रेश झाले . जस सगळे करतात तसे सगळे मोबाइल घेऊन बसले . कोणी फोनवर बोलण्यात बिझी , कोणी मोबाइलला मध्ये विडिओ बघण्यात बिझी तर कोणी मोबाइलवर चॅटिंग मध्ये बिझी होते . विवान मात्र स्नेहलसोबत चॅटिंग करत होता .
स्नेहल -" अच्छा ... म्हणजे फ्रेशर्स पार्टी होणार आहे तर ..."
विवान -" हो .... "
स्नेहल -" मग ?"
विवान -" मग काय ?"
स्नेहल -" तू एक्ससायटेड नाहीस का ?"
विवान -" आहे पण नाही पण ..."
स्नेहल -" म्हणजे ?"
विवान -" म्हणजे पार्टीत काय होईल माहिती नाही . पण एक मात्र आहे . मला त्या मुलीबद्दल नक्की कळेल ."
स्नेहल -" कळल्यानंतर काय करणार ?"
विवान -" काही नाही ."
स्नेहल -" मग कळून काय फायदा ?"
विवान -" काही नाही ..."
तेवढ्यात दत्ता विवानला म्हणाला .
दत्ता -" विव्या ... जेवायला जायचं नाही का ?"
तो मोबाइलमधून डोक काढत म्हणाला .
विवान -" जायचं कि चला ..."
जाण्याआधी तो स्नेहलला मेसेज केला .
विवान -" जेवायला जायचं आहे . तुझ्याशी नंतर बोलतो ."
स्नेहल -" ठीक आहे ..."
सगळे तयार होऊन खानावळीच्या दिशेने निघाले . खानावळ कॉलेजच्या समोर असल्याने यांना कॉलेजमधूनच जावं लागत असत . कारण दुसरा रस्त्यानी जायला वेळ लागत होता . कॉलेजच्या मागे एक छोटस स्टेशन होत . तिथे फक्त लोकल रेल्वे थांबत होती . हे सगळे रात्री तिथूनच जाई . रेल्वे रुळाच्या नंतर कॉलेजमध्ये जात असत . तिथून दुसऱ्या गेटने खाणावळला जात असत .
जेवत असताना यांचे गप्पा जरा जास्तच असत . कधी भाजीविषयी , कधी चपातीविषयी , तर कधी भात वरून तक्रार होत असत . काहीवेळाने सगळ्यांचं जेवण झाल्यावर रूमकडे निघाले .
रूममध्ये पोहचताच सगळे अंथरून घालू लागले . अंथरून घातल तरी ते लवकर झोपत नसत . रात्री तर ते अजून दंगा करत . एकमेकांची टांग खेचणे . कोणीतरी जोक करणे , त्यावर सगळे हसणे आणि मुलांचे जोक खूप वेगळेच असतात , जे फक्त मुलातच होत असतात . कधीतरी असा विषय निघायचा त्यावर डिस्कशन करताना रात्रीचे 12 वाजायचे . त्यात उमेश जो वयाने मोठा होता , तो मात्र या डिस्कशनला वेगळीच दिशा द्यायचा .
काहीवेळा करता हे सगळे शांत झाले . तेवढ्यात उमेश म्हणाला .
उमेश -" तुम्हाला समृद्धी चांडवले माहिती का रे ?"
विवान -" कोण ?"
उमेश परत म्हणाला .
उमेश -" समृद्धी चांडवले .."
दत्ता -" माहिती नाही रे ... कोण आहे ती ?"
उमेश -" अरे आपल्या वर्गातली आहे . इन्स्टावर सर्च करा ."
तो अस म्हणताच विवान सर्च करू लागला .
*****************************
क्रमशः
ऋषिकेश मठपती
पुढील भाग लवकरच ... हा भाग कसा वाटला नक्की कळवा ... शेअर करा ... आज तुमची साथीची मला खूप गरज आहे ... धन्यवाद