Oct 24, 2021
कथामालिका

त्या आठवणी भाग -5

Read Later
त्या आठवणी भाग -5

❤️ ईरा दिवाळी अंक 2021 ❤️

मर्यादित प्रति.. आजच बुक करा खालील फॉर्म भरून..

याआधी -

विवानला आता रूममध्ये राहून खूप दिवस झाले होते . उमेश, जयदीप , अक्षय आणि दत्ता हे सुद्धा रूममध्ये राहायला आलेले होते . कॉलेज चालू असताना त्यांचे सिनियर येऊन फ्रेशर्स पार्टी संदर्भात सूचना देतात . त्या पार्टीसंदर्भात खूप चर्चा वर्गामध्ये होऊ लागली होती . त्या पार्टीतली खेळ मात्र गुपित ठेवण्यात आलेली होती . असेच रात्री गप्पा मारत असताना अचानक उमेश वर्गातील एका मुलीच नाव सांगून इंस्टाग्रामवर शोधायला सांगतो . 

-------------------------------------------------------------

यापुढे -

 

उमेश -" तुम्हाला समृद्धी चांडवले माहिती का रे ?"

 

विवान -" कोण ?"

 

उमेश परत म्हणाला .

 

उमेश -" समृद्धी चांडवले .."

 

दत्ता -" माहिती नाही रे ... कोण आहे ती ?"

 

उमेश -" अरे आपल्या वर्गातली आहे . इन्स्टावर सर्च करा ."

 

 

 

      तो अस म्हणताच विवान सर्च करू लागला . सर्च करताच काही अकाउंट दिसत होते . तो प्रत्येक अकाउंटच प्रोफाइल चेक करू लागला . त्यामध्ये त्याला वर्गात दिसणाऱ्या चेहऱ्यांपैकी एका मुलीच चेहरा अनुभवला . ती वर्गात शेवटच्या बाकावर बसणारी होती . 

 

विवान -" हि तर मागे बसते ना ?"

 

विवान प्रश्न उपस्थित केला .

 

उमेश -" होय ... सापडलं का अकाउंट ?"

 

विवान -" होय ..."

 

      विवान परत मोबाइलमध्ये डोकावला . इंस्टाग्रामवर तिला फॉलो करायचं का नाही ? हा प्रश्न त्याच्या मनात शंका उत्पन्न करत होती  . शेवटी कॉलेजच्या कामात मदत लागेल म्हणून तो फॉलोचा बटण दाबला . त्यानंतर तो स्नेहलसोबत चॅट करू लागला . त्याची स्नेहलसोबत एक वेगळीच भावनिक बंधने होती . तो प्रत्येक घडलेली घटना तिला सांगत असे . 

 

      असेच त्यांचे दिवस जाऊ लागले . सकाळी उठणे , तयार होणे , खानावळीला जाणे , तिथून कॉलेजला जाणे , कॉलेज संपल्यावर टपरीवर जाणे , चहा घेत गप्पा मारणे , परत रूमवर येताना एकमेकांचे टांग खेचणे , रूममध्ये आल्यावर परत फ्रेश होणे , रात्री जेवून आल्यावर गप्पा मारत बसणे . संध्याकाळच्या वेळी तर खोडकरपणा जास्त व्हायचा . संध्याकाळच्या वेळी जर कोणी टॉयलेट वापरत असेल तर हि त्यांना सुवर्ण संधी होती . कोणीतरी बाहेरील लाईटचा बटण बंद करत असत . टॉयलेटमध्ये जो असणार त्याची मात्र पंचायत होणार . आतून शिव्या देऊन तो थकत असे आणि त्या विषयाला धरून बाकी सगळे हसत बसणार . संध्याकाळच्या वेळी गोंधळ मात्र खूप होणार . 

 

     अखेर तो दिवस उजाडला , ज्याची वाट विवान पाहत होता . फ्रेशर्स पार्टीच्या वेळी या सर्वांना लवकर उठाव लागणार होत . दत्ता रोजच्या सारखं अजून झोपलेला होता . आज सकाळी लवकरच कॉलेजला जाव लागणार होत . सर्वात आधी विवान उठला . तसही तो दररोज लवकर उठत असे . त्याच्यासाठी हे काय नवीन नव्हत . फ्रेशर्स पार्टी म्हणल्यावर अगदी नवीन कपडे घालावं लागणार होत . पाच जणांना तयार होण्यासाठी वेळ तर  लागणार होती खरी ..  . बाथरूम एक असल्याने अजून जरा वेळ लागणार होती . पण दत्ता अजून झोपलेला होता . त्याला बघून उमेश जरा चिडून बोलला .

 

उमेश -" दत्ता .... उठ कि लगा .."

 

दत्ता त्या ओढलेल्या चादर मधून फक्त ," हम्म " म्हणाला .

 

उमेश -" उठ कि माकडा ... आज तर उठ लेकाच्या ..."

 

दत्ता -" हा .."

 

     एवढंच त्याच्या तोंडून निघालं . अक्षय नुकताच अंघोळ आटपून आलेला होता . दत्ताला झोपलेल पाहताच तो त्याच्याकडून चादर जोरात ओढून घेतला . 

 

अक्षय -" दत्ता ... ***** उठ कि .."

 

अखेर त्याला साखर झोपेतून उठाव लागल . 

 

दत्ता -" किती मस्त स्वप्न पाहत होतो माहिती का ?"

 

विवान -" काय पाहत होता ?"

 

दत्ता -" विसरलो ..."

 

अस म्हणताच विवान किंचितसा हसला आणि त्याला म्हणाला .

 

विवान -" उठ आता .. आपल्याला उशीर होईल ."

 

दत्ता -" सगळे तयार झाले काय ?"

 

विवान -" जयदीप गेलाय बाथरूमला , येईल थोड्यावेळात .."

 

अंथरून व्यवस्थित करण्यासाठी उठला . 

 

दत्ता -" आज कपडे काय घालायचं रे ?"

 

विवान -" तू असच ये ."

 

यावरून थोडी हश्या पिकल . 

 

दत्ता -" आज मुली साडीवर येणार ."

 

अक्षय -" मग काय झाल ?"

 

दत्ता -" आज मुलांचे डोळे सुखावणार ..."

 

अक्षय -" शहाणा आहेस जा . अंघोळीला जा पहिला ..."

 

   त्यावरून तो फ्रेश होण्यासाठी बाहेर पडला . थोड्यावेळात वेळात सगळे तयार झाले . बाहेर पडण्याअगोदर केस विंचरणे वैगैरे आटपत होते . 

 

दत्ता -" अक्ष्या ... डियो काढ रे . आज मुली येणार आहेत ."

 

अक्षय दियो देत म्हणाला .

 

अक्षय -" तुला बघण्यासाठी येणार नाहीयेत ."

 

दत्ता -" आल्यावर मला बघाव म्हणून दे .." 

 

     हळू हळू सगळे त्या डियोनी अंघोळ केले . सगळे तयार झाले आणि रूममधून निघाले . रोजच्या सारखेच गप्पा मारत कॉलेजच्या दिशेनी निघाले . कॉलेजमध्ये पोहचताच ते पहिल्यांदा गणित विभागाकडे गेले . विभागामध्ये सिनियरचेच मुले होते , अजून त्यांच्या वर्गातले मुले अजून आलेले नव्हते . विभागातले मूळ त्यांना हॉलमध्ये जायला सांगितले . कॉलेजमध्ये वेलणकर नावाचं मोठ हॉल होत . त्यात कॉलेजचे सगळे मोठे कार्यक्रम होत असत . हे सगळे त्या हॉलजवळ गेले असता त्यांना कळाल कि चहाची आणि त्यासोबत बिस्कीटची व्यवस्था देखील तिथे झालेली होती . या सर्वांना सकाळी चहाची गरज असतेच , त्यामुळे वेळ न घालवता चहा पिण्यासाठी गेले .

 

    चहाची वाटप काही सिनियरचे मुलंच करत होते .हे पाची जण चहाच आस्वाद घेत उभे होते . थोड्या वेळाने हळूहळू मुलंमुली येऊ लागले . सगळेजण नटून आलेले होते . मुलीतर अगदी लग्नात तयार झाल्यासारखी आल्या होत्या . त्यांच्यावरून नजर हटतच नव्हती . एकापेक्षा एकजण नटून आलेल्या होत्या . त्यांनासुद्धा चहा देण्यात आल . काहीवेळाने मुलंमुली हॉल मध्ये प्रवेश करू लागले . जसे ते प्रवेश केले , तेंव्हा सगळे सिनियर मुलंमुली टाळ्या वाजवू लागले . फ्रेशर्स पार्टीसाठी सगळ्या नवीन वर्षाच्या मुलांना स्वागत करू लागले . आपापले जागा पकडल्यावर कार्यक्रमाला सुरुवात झाली . सिनियरचे अँकर स्वागतासाठी काही ओळी म्हणल्या . विभागाचे प्रमुख आणि मुख्यद्यापकांच्या हस्ते सरस्वतीचे पूजन संपन्न झाल्यावर खऱ्या कार्यक्रमाला सुरुवात झाली . सगळे नवीन चेहरे या कार्यक्रमासाठी उत्सुक होते . सर्वात आधी ओळख करून घेण्याच कार्यक्रम सुरु झालं . त्यात सगळ्या फ्रेश मुलांचं नाव घेण्यात येत होत आणि त्यांना सिनियर मधले एकजण एक फ्रेंडशिप बँड  आणि चॉकलेट देत होते . अशीच प्रत्येक जणांची नावे पुकारण्यात येत होत . मुलेतर प्रत्येक मुलींचे नाव जाणून घेण्यात उत्सुक होते . कोणी मुलगी स्टेजवर आली कि त्याच नाव ऐकण्यासाठी मुलांचे कान उभे होत होते . 

 

      अखेर विवानचा नंबर आला . तो स्टेजवर गेला . सिनियर असलेली एक मुलगी त्याच्यासाठी बँड आणि चॉकलेट देऊ केली . तो घेऊन परत आला . त्याला फक्त एका मुलीच नाव जाणून घ्यायची इच्छा होती . 

 

     शेवटी एका मुलीच नाव घेण्यात आल . विवान वाट पाहत असलेली मुलगी स्टेजवर चढू लागली . ती अगदी सुंदर दिसत होती . तिच्या चेहऱ्यावर स्माईल खूप शोभत होती . स्टेजवर चढत असताना विवानची नजर तिच्यावरून हटतच नव्हती . बँड आणि चॉकलेट घेतल्यावर तिच्या ओठाच्या हालचालींवरही त्याच लक्ष होत . ती ' thank you ' म्हणत होती हे त्याला कळाल. खाली येत असताना सुद्धा त्याच लक्ष तिच्यावर निरखून होती . बघत असताना तो अचानक उभारला . दत्ता त्याच्या बाजूलाच बसला होता .

 

दत्ता -" काय झालं रे ? उभा का झालास ?"

 

त्याच्या त्या प्रश्नाने विवान जागा झाला . ' काही नाही ' म्हणत तो खाली बसला . अखेर त्याला तीच नाव कळाल , यावरच तो समाधानी होता .

 

*********************************

 

क्रमशः 

 

ऋषिकेश मठपती 

 

पुढील भाग लवकरच ... माहिती आहे हा भाग लहान आहे आणि उशिरा आलेला आहे , पण माझी परीक्षा जवळ आल्याने मला लिहायला वेळ कमी भेटत आहे . प्लिज समझून घ्या .. हा भाग कस वाटलं नक्की कळवा ... शेअर करा .. आणि मला फॉलो करा .. धन्यवाद ...

 

 

❤️ ईरा दिवाळी अंक 2021 ❤️

मर्यादित प्रति.. आजच बुक करा खालील फॉर्म भरून..
ईरा वाचनाचा आनंद घ्या आता app मधून, आजच download करा. Download App Now
Circle Image

Mathapati Rushikesh Irayya

Student

Writing and reading are my hobbies. Mathematics is in my blood.