तेरा मेरा साथ रहे भाग-२६

थोडा विचार करत अमोल म्हणाला," बाबा, आरूच्या जन्माच्या सत्याने मला काही फरक पडत नाही. माझा निर्णयात काहीही बदल होणार नाही. माझा तोच निर्णय असेल तिच्याशी लग्न करण्याचा. कारण माझं तिच्यावर मनापासून खूप प्रेम आहे. तिचं माझ्यावर प्रेम आहे की नाही हे मला माहिती नाही. ती हो बोलली तर आनंदच आहे. तिला खूप प्रेम देईन, सुखात ठेवेन. अगदी फुलासारखं जपेन, जसे तुम्ही जपता. तक्रार करायला जागाच देणार नाही. ती नाही बोलली तरी हरकत नाही. तिच्या होकाराची वाट पाहायला मी आयुष्यभर तयार आहे. आणि तुम्ही सांगितलेलं सत्य माझ्या मनातच कैद राहिल. त्याची काळजी करू नका."