तेरा मेरा साथ रहे भाग-१९

'आपण तिकडे काम कर शिकत होतो, तर इकडे हि पण काम करत होती. भविष्यात आपल्याला मदत होईल म्हणून तीही कष्टच करत होती तेही आपल्याला माहिती नसताना. किती धडपड हिची. मी कधीही आलो की थकवा न जाणवून देता किती प्रेमाने, हसतमुखाने माझं सगळं करतं होती. आपण पण किती वेडे आहोत! पुन्हा तिला गृहीत धरलो. आपणच तिला समजून घेण्यात कमी पडलो. किती प्रेम, त्याग व समर्पण आहे हिच्यात. आबांनी किती लांबचा विचार करून माझ्यासाठी हिची निवड केली. तीही प्रत्येक वेळी त्यांची निवड सार्थ असल्याची जाणीव करून देते. थँक्यू आबा.' तो तिच्याकडे पाहत मनात तिचे कौतुक करत त्याच्या आबांचा निर्णय योग्य असल्याचा प्रत्यय येत त्यांचे मनोमन आभार व्यक्त करतं होता. त्याचे डोळे आसवांनी तुडुंब भरून आले. कंठ दाटून आला.