तेरा मेरा साथ रहे भाग-१६

तो दीर्घ श्वास घेऊन पुढे म्हणाला, "हे बघ स्मिता, माझ्यामुळे तुझी आधीच खूप फटफट झाली आहे. तिचे सगळे का तू ऐकून घेत सहन करत होतीस? अगं, अन्याय करण्यापेक्षा अन्याय सहन करणारा जास्त गुन्हेगार असतो. तू जर तिला तिथल्या तिथे उत्तर दिले असते तर ती वेळ आलीच नसती. माहिती आहे मला की तू माझ्यामुळे सगळं सहन करत होतीस. पण एकदा तू मला सगळं सांगायला हवं होतंस. त्या दिवशी मी जर वेळेवर आलो नसतो तर काय झालं असतं याची कल्पनाही करवत नाही मला. तुझी अवस्था पाहून माझा जीव कासावीस झाला होता. किती जीव काढलासं तू माझा? तू शुध्दीवर येत नव्हतीस तोपर्यंत एक क्षण एक एक युगासारखा वाटतं होता. तुला काय झाले तर काय केलं असतं मी? विचार सुध्दा करावासा वाटत नाही.
अगं, तुझ्यासोबत पूर्ण आयुष्य जगायचे स्वप्न पाहिले आहे मी. कोणत्याही किमतीवर मी तुला गमावून नाही शकत." आता त्याच्या डोळ्यात आसवांची गर्दी जमा झाली. तिचा चेहरा त्याला अंधुक दिसू लागला.