कवितेचे शिर्षक - तडजोड
विषय - दोन ध्रुवावर दोघे आपण
उपविषय - ईरा राज्यस्तरीय कविता स्पर्धा फेरी २
टीम - अमरावती
दोन ध्रुवावर दोघे आपण ,
जरी आकडा 36 चा ,
संसार सुखाचा झाला कारण,
तडजोड शब्द महत्त्वाचा...
प्रत्येक दिवसाला तू तू मी मी,
मात्र हे पेल्यातले वादळ ,
विसरत होतो जिथल्या तिथे ,
लगेच पुन्हा आनंदाची दरवळ....
सप्तपदीची सात वचने ,
तुझ्या दृष्टीने विधी होता ,
माझ्या मते मात्र तो ,
आयुष्याचा भाग होता...
स्वभाव जरी भिन्नभिन्न ,
घराचा स्वर्ग बनवला तू ,
नखरे माझे पुरवून सारे ,
स्वतःला सिद्ध केलेस तू...
दोन ध्रुवावर दोघे आपण ,
वानप्रस्थाश्रम जवळ आला ,
विसरून सारे झाले गेले ,
अंत मात्र सुखाचा झाला .
कविता आवडल्यास लाईक व कमेंट जरूर करा.
न आवडल्यास क्षमस्व.
धन्यवाद.
सौ.रेखा देशमुख
टीम - अमरावती
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा