अरे अवीsss रडता रडता , अचानक त्याला आलेल बघून त्या चकीत होऊन हसल्या , तू कसा काय आलास अचानक ,
अगं पण तू का रडत होतीस ,
का बर गं आई ,
अरे तुझीच आठवण करत होती रेsss
आणि ती पुन्हा त्याच्या गळ्यात पडून रडू लागली ,
अगं आलो ना मी आता ! रडू नकोस , चुप राहा ,
तुझ्या हातचा चहा हवा मला , मी आंघोळ करुन येतो ,
आईने चहा केला तो पर्यंत अवी झटपट आंघोळ करुन , तयार होऊन आला , आई मी चहा पिऊन लतिका कडे जातो ,
हो ! चहा पी आधी , त्याने चहा घेतला ,
आई जाऊन येतो मी लतिका च्या घरी ,
अरे थांब जरा ! मी पण येते ,
अगं तू नंतर ये मी जातो ,
थांब ना रेss ,
अरे तिच्या कडे पुजा आहे मला पण जायचे आहे ,
थांब थोडा ,
आज काय आहे , त्याने कॅलेंडर कडे बघीतले ,
अरे आज रविवार आहे , त्याला माहीत होते लतिकाची आई धार्मिक स्वभावाच्या आहेत आणि अधून मधून त्यांच्या कडे पुजा व्हायची ! पण आज रविवारी पुजा ? त्याने डोक्याला ताण न देता , आईला म्हंटले ,
चल जाऊ आपण , अवीने गाडी सुरु केली ,
गाडीत बसता बसता आई म्हणाली , घाटाकडे घे गाडी ,
तिकडे का बरं ?
पूजा तिकडेच आहे ,
बरं ठिक आहे चल ,
दोघेही घाटावर आलेत , अवी मंदीराच्या दिशेने निघाला त्याची नजर लतिकाला शोधत होती ,
कुठे आहे ही मुलगी , आवाज देऊ का तिला अवी मनातल्या मनात बोलला ,
अरे अवी बेटा , इकडे ये , मागे , मंदीराच्या ,रमाबाई म्हणाल्या ,
दोघे ही तिकडे गेलेत , त्याने इकडे तिकडे बघीतले , लोकांची गर्दी होतीच तिथे ,
दुर नदीच्या काठावर पुजा सुरु होती , लतिकाची आई , भाऊ आणि बहीण तिथे बसलेले होते ,
त्यांना बघून आनंदाने अवी ओरडलाच काकू ss चमकून सुशीलाबाईंनी मान वर करुन त्याच्याकडे बघीतले , आणि,,आणि,, एकच क्षण ,,, त्या हंबरडा फोडत ऊठून त्याच्या कडे धावल्याच ,
त्याच्या गळ्यात पडून त्या ओक्साबोक्सी रडू लागल्या ,
अवी गांगरुनच गेला,,,अरे काकू अश्या का रडताय ,
मग आई कडे बघून म्हणाला , आई बघ ना जरा ,
काकू किती रडतायत ,
त्याने आईकडे बघीतले त्याची आई सुद्धा पदर डोळ्याला लावून रडत होती ,
काय झाल तुम्हा दोघींना ? आता मात्र त्याला थोड विचित्र वाटल , तुम्ही अश्या का रडत आहात आणि मला लतिका दिसली नाही ,
कुठे आहे लतिका ? ऐ लतिकाssलतिकाss
राघव ! कुठाय लतिका , अरे बोलं ना ! राघवने रडतच समोर हात दाखवला ,
त्या दिशेला अवीने बघीतले , समोर भटजी पुजापाठ करत होते , त्यांच्या समोरच लतिकाचा हार घातलेला फोटो ठेवलेला होता , आययाईsssमाझ्या लतिकाच्या फोटो समोर का पुजा करत आहे , हा भटजी !
अवी बघतच राहीला ,, निःशब्द ! त्याला काही सुचतच नव्हते , सगळे आवाज येणे बंद झाले होते,,,रमाबाईंनी त्याला हलवून भानावर आणले , अवी धावतच फोटो जवळ गेला आणि मटकन खाली बसला , हे कधी आणि कस झाल , पण ,, कस शक्य आहे हे ? त्याचा आपल्या डोळ्यांवर विश्वासच बसत नव्हता !
सुशीला बाई बोलत होत्या , तू गेलास त्याच दिवशी तिची आॅफीसची ट्रिप जाणार होती , तुला माहीतच होते , तुच तिला ट्रिपला जायला म्हणाला होतास , रात्रीच्या मुक्कामाने गेले होते सगळे ,
पण तिकडे जाताना दुपारी एका वळणावर गाडी खोल दरीत पडली , आणि अर्धे अधिक लोकं त्यात जागेवरच गेलेत ,,, आपली लतिका ही त्यातच आपल्याला सोडून गेली रेsss
अवी कधी फोटोला तर कधी त्या सगळ्यांना बघत होता,,,अवी अतिशय दुःखाने फोटो बघत होता , काय झाल हे , मी का गेलो तिकडे , इथेच राहीलो असतो तर लतिका आता माझ्या सोबत असती , काय करु मी आता , कसा जगू तिच्या शिवाय , कित्ती स्वप्न पाहीलीत मी तिला घेऊन , काय होऊन बसल हे , अतीव दुःखाने तो म्हणाला तुम्ही मला न सांगताच अंत्यविधी कसा केला तिचा ? अंतिम दर्शन ही झाल नाही तिच , तुम्ही माझ्या सोबत असे कसे करु शकता ? तो हताश होऊन खाली मान घालून बसला , डोळ्यातून अश्रुधारा वाहू लागल्या ! रमाबाई त्याच्या पाठीवरुन हात फिरवत रडतच म्हणाल्या , हो रे बाबा तुझ बरोबर आहे , पण तुझ्या आॅफीसच्या बाबतीत आम्हाला काहीच माहीती नव्हती , फोन नाही तिकडे , मग कसा संपर्क करायचा होता ! अॅक्सीडेंट मधे छिन्न विछिन्न झाले होते रे काहीजण , आम्हाला तर सुचतच नव्हत काही , त्यात सुशीला बेशुद्ध होती , तिला ही लतिकाचे दर्शन झाले नाही रे , मी आणि मेघा हिच्या जवळ , हिलाच आॅक्सीजन लावाव लागल होत , करणारा राघवच होता , बाकीच्या प्रेतांसोबत मग लतिकाचाही अंत्यविधी एकत्रित केल्या गेला , त्यातही तिच्या काही मैत्रिणींना फक्त खरचटल , पण आपली लतिका दुर्दैवी राहीली , सगळे स्वप्न इथेच ठेऊन गेली रे ती sss रमाबाई हमसून हमसून रडू लागल्या , कालच दवाखाण्यातून आईला घरी आणल , आज ताईच दसव आहे , राघव रडतच म्हणाला , हो , पण मी , मी कोण होतो तिचा , मला तर तुम्ही एकटच पाडल , परकच ठरवलत ! आज मी आलो म्हणून तिच्या पुजेत अनावधनाने सामील झालो , एवढच नात होत का लतिकाच आणि माझ ? का लतिका अस केलस तू माझ्यासोबत , मला न भेटता , बोलता गेलीस , आपण बघीतलेल स्वप्न ! त्याच काय ? तुला याव लागेल लतिका ! तुला याव लागेल लतिका ss पुन्हा अवी रडायला लागला , रमा बाई सुशीलाबाई त्याला समजावित होत्या , तिची सोबत एवढीच होती अवी ,
क्रमशः
