स्वाभिमानी भाग 18

आज सासूबाईंनी पार्टी ठेवली होती, तिच्या येण्याची जणू बातमी शहरभर द्यायची होती, मोठया नावाजलेल्या बायका तिला बघायला येणार होत्या, त्यांना तिची ओळख करून द्यायची होती..त्यासाठी त्यांच्या घरच्या रीती प्रमाणे सासूबाईने तिला छान तयार होऊन यायला सांगितले तर होतेच पण ते मोठे केस ही कट करून यायला सांगितले होते...सुप्रियाचे बिलकुल मन नव्हते होत ते केस कापायचे...त्यात स्वरा ही खूप हट्टाला पेटली होती ,तू केस कापू नकोस वहिनी, नाहीतर मी बोलणार नाही ,आईचे ऐकू नकोस तू वहिनी ,दादा आणि मी तिला सपोर्ट करू आई समोर तुझी बाजू मांडू म्हणत ती ही ठाम होती, तू जशी आहेस तशीच सुंदर आहे ,तू नको बदल करू तुझ्यात..