सुशिक्षित सासू -भाग 2

"तुला काहीच कसं वाटत नाही?आपल्या मैत्रिणींची काळजी आहे. पण आपल्यामुळे सासू घर सोडून गेली त्याचं काहीच वाटत नाही? मला तुझ्याकडून अशी अपेक्षा नव्हती अनु. तुझं हे वागणं मला अजिबात आवडलेलं नाहीय. बाहेर आपली इमेज राखताना घरात आपली किंमत राखली जाईल असं माणसाने वागावं आणि घरातल्या मोठ्यांनाही किंमत द्यावी."
आपल्याच विश्वात मग्न असलेली अनु यावर काही न बोलता आवरून बाहेर पडली. तिला नवऱ्याचं फुकटच लेक्चर ऐकायचं नव्हतं. सासू गावी गेली याचा मनातून आनंद झाला होता. पण उघडपणे बोलणार कसं? म्हणून ती गप्प होती.