हे सुर्य नारायणा
दया कर रे आम्हांवरी
बरसू दे ना रे
वर्षाच्या आता सरी
दया कर रे आम्हांवरी
बरसू दे ना रे
वर्षाच्या आता सरी
अंगाची झाली लाही
गरमीने सुचेना काही
घामाने भिजले अंग
सोसवत आता नाही
गरमीने सुचेना काही
घामाने भिजले अंग
सोसवत आता नाही
अशाच का तापत आहेस
तुला काय काम दुसरे
घरी बायको नाही का
तीच्या कडे पण बघ ना रे
तुला काय काम दुसरे
घरी बायको नाही का
तीच्या कडे पण बघ ना रे
एवढी उष्णता बरी आहे का
खाली माणूस बघ करपला
रंगभेद होता आधी जगात
आता एकची रंग झाला
खाली माणूस बघ करपला
रंगभेद होता आधी जगात
आता एकची रंग झाला
असंच चालू राहिले तर
बाहेर पडणार नाही कोणी
कोरोना नंतर तुझ्याच नावाचं
लॉकडाऊन जगात बघ होई
बाहेर पडणार नाही कोणी
कोरोना नंतर तुझ्याच नावाचं
लॉकडाऊन जगात बघ होई
थोडं कमी रागाव
जरा थंडपणा दे की
नसेल जमत तर मग
काही दिवस रजा घे की
जरा थंडपणा दे की
नसेल जमत तर मग
काही दिवस रजा घे की
तुझ्या मुळे चंद्र पण लपला
शीतलता त्याची झाली कमी
बाप लेकाच्या भांडणात
धरणी माय जास्तच तापली
शीतलता त्याची झाली कमी
बाप लेकाच्या भांडणात
धरणी माय जास्तच तापली
बस झाला आता उन्हाळा
येऊ दे लवकर पावसाळा
दूर झालेल्या सर्व नात्यात
निसर्ग आणेल मग जिव्हाळा
येऊ दे लवकर पावसाळा
दूर झालेल्या सर्व नात्यात
निसर्ग आणेल मग जिव्हाळा
बहरेल ती निसर्ग कन्या
उजळून येईल ते डोंगर
काळेभोर दाटता मेघ तेव्हा
नाचत राही जीवाचा मोर
उजळून येईल ते डोंगर
काळेभोर दाटता मेघ तेव्हा
नाचत राही जीवाचा मोर
----**----**----**----**----**----