गोष्ट कोणा एका सुमेधा अश्विनची.. भाग २

"कोणत्या जमान्यात राहतेस तू? इथे कोणीच जातपात बघत नाहीत. माझ्या घरचे तर किती पुढारलेले आहेत." अश्विन सुमेधाला लग्नासाठी तयार करत होता. तिचा सगळा विरोध त्याने मोडून काढला. कुंदाताई या लग्नाने खुश नव्हत्या पण मुलाचे मन बहुतेक त्यांना मोडायचे नव्हते म्हणून त्या काही जास्त बोलल्या नाहीत. वागण्या बोलण्यातून मात्र नाराजी सतत जाणवत होती. लग्न लागले. आणि पंक्तीला सुरूवात झाली. प्रकाशरावांना डायबेटिस असल्याने सुमेधाच्या नातेवाईकांनी आत ताट वाढून दिले. ते अश्विनकडच्या कोणीतरी नेमके बघितले. झालं.. कुंदाताई आणि सतिशरावांना कारणच मिळाले. शेवटच्या पंक्तीला बसण्यासाठी आमंत्रण द्यायला प्रकाशराव आणि वृंदाताई आल्या.