सुखकर्ता दुःखहर्ता गणराया

उद्या विशाल घरी येणार म्हणून नयना व आरव आनंदी होते. विशालला बरे वाटत होते म्हणून घरी सोडणार होते. नयना गणरायाचे खूप खूप आभार मानत होती. उद्या विशालचे स्वागत कसे करायचे ? काय काय करायचे ? असे सर्व प्लँनिंग करता करता तिला झोप लागली. आणि खडकन जाग आली ती फोनच्या आवाजाने. तिने फोन घेतला , फोन हॉस्पिटलमधून आलेला होता.विशालची अचानक तब्येत बिघडल्याने त्याला आय.सी.यू. त नेले होते.
नयनाला तर मोठा धक्काच बसला होता.
तिने अशा अनेक घटना ऐकलेल्या होत्या; पेशंटला घरी सोडणारच होते,तो बरा झालेला होता आणि तो घरी न जाताच हॉस्पिटलमध्येच त्याचे जीवन संपते.त्यामुळे अशा अनेक विचारांनी तिचे मन दुःखी होत होते.रडणेही सुरू होते.
तिला वाटत होते,\"आता हॉस्पिटलमध्ये जावे आणि विशालला भेटावे.\"
पण शक्य नव्हते.
विशालशी तर फोनवर बोलणे होऊ शकत नव्हते . तिने डॉक्टरांना फोन केला.