सुख म्हणजे नक्की काय असतं ?

नाना प्रमाणे आमचे भाऊजी देखील सगळ्यांचे लाडके मनमिळाऊ व्यक्तिमत्त्व... मुलांना आदर्श वाटायचा त्यांच्या काकांचा....कुंदा काकू , सुनील काका म्हणजे माझ्या वाटेला आलेले साक्षात लक्ष्मण आणि उर्मिला यांचा जोडा ... जसं राम आणि लक्ष्मणाच नातं होतं अगदी तसंच नाना आणि अप्पांच एकमेकां विषयी खूप आपुलकी, जिव्हाळा, ओढ होती.... ते दोघे होते म्हणून आम्ही सगळे खूप आनंदात होतो.... या भावंडांच प्रेम इतकं होतं की दोघेही काळाच्या कचाट्यात सोबतच सापडले आणि दोघेही सोबतच वैकुंठाला गेले... आम्हाला परकं केलं दोघांनी, जणू आमचा आधारच गेला असं वाटलं, पण नंतर विचार केला आलेली वेळ टाळता कधीच येत नसते जे होणार आहे ते घडतच ..समर्थ रामदास स्वामींनी मनाच्या श्लोकामध्ये म्हंटलेच आहे की,
मरे एक त्याचा दुजा शोक वाहे।
अकस्मात तोही पुढे जात आहे॥
पुरेना जनीं लोभ रे क्षोभ त्याते।
म्हणोनी जनीं मागुता जन्म घेते।।