सुख म्हणजे नक्की काय असतं _ आईचं मन भाग १

एक दोन वर्षातच माधवराव निवृत्त झाले. आता श्रीकांत कमावता झाल्यामुळे त्यांचं बरं चाललं होतं. आता त्याच्यासाठी पण मुली बघायला सुरुवात झाली होती. खरं तर बऱ्याच वधुपित्यानी त्याची चौकशी केली होती. श्रीकांतची नोकरी आणि त्याचं रुबाबदार व्यक्तिमत्व सर्वांना भुरळ घालत होतं. मुलीकडचे घरी यायचे तेव्हा हा घरी थांबत नव्हता आणि स्वतःहून मुलगी बघायला जात नव्हता. तेव्हा मालती ताईंच्या मनात संशय आला की याचं नक्कीच काहीतरी बाहेर प्रेम प्रकरण असणार. एकदा त्यांनी थेट श्रीकांतला विचारलं तेव्हा त्याने सगळं सांगून टाकलं. ती मुलगी म्हणजे विभा ह्यांच्या जातीतली नव्हती. मालतीताई समजूतदार असल्या तरी त्यांना सून त्यांच्या पसंतीची हवी होती. लेकाच्या आयुष्याचा विचार करून त्यांनी विभाला घरी यायला सांगितलं. विभा चारचौघीत उठून दिसणारी होती. निमगोरा वर्ण, मध्यम उंची, लांब केस, बोलके डोळे अशी विभा मालती ताईंना आवडली पण त्यांच्या मनात धाकधुक होती की ही आपल्या चालीरितींशी जुळवून घेईल की नाही. तसं त्या माधवरावांजवळ बोलताच ते म्हणाले,