दुरपदा !!!!दुरपदा!!!!कोणतरी मोठ्यानं वरडत व्हत.दुरपदाकाकू वैतागलीच.सक्काळी सक्काळी कोण बोंबलायला लागलं?वैतागत तिनं दार उघडलं आणि तिच्या गळ्यात पडून आनशी रडू लागली,"आक्के आता म्या काय करू??म्या काय आता जगत नसते!!!दारात तमाशा नको.दुरपडकाकूने पटकन तिला आत घेतलं. आनशी म्हणजे दुरपदाची धाकटी बहीण.पडेगावच्या सुभानराव पाटलांची कारभारीन ..शेतीभाती, दूध दुबत आणि चांगला सुखी संसार.पण.....आनशी मात्र लै कटकटी.सारख सुभानराव आणि पोरांना बोलत रहायची.दुरपदा तिला नेहमी सांगायची,"आनशे, आग सारख बोलू नाही,देवानं सुख दिल ते पहावं."आनशीला मात्र कायम धान्यातला खडाच पहायची सवय.आता नक्की काय झालं असेल?याचा विचार करतच दूरपदाने आनशीसाठी गरम पाणी उतरलं.आनशी मस्त आंघुळ करून आली,"आक्के चा दे बया,आन कायबाय खायला आसल तरी ते दि थोडं."आता मात्र दुरपदाला राग आला.तरीपण स्वतःवर ताबा ठिवून तिने चा आणि खायला दिल.
आनशीने चहा घेतला आणि मग दूरपदाने हळूच इशय काढला,"काय ग??दाजींशी भांडलीस का काय??बस एवढा प्रश्न विचारायला आणि आनशीने परत वरच्या पट्टीतला सूर लावला,"काय सांगू आक्के!!मला तर आता जगावं वाटना.... आपलाच दाम खोटा मग दुसऱ्याला काय बोलायचं".आता मात्र दुरपदा चिडली,"आनशे गप...जरा काय झालं की लागली गळा काढायला.जरा नीट सांगती का मला".सुभानराव काय बोलल का तुला?
मला कशाला काय बोलत्यात आता?आता त्या नव्या पोरी हायेत ना सायेबाच करायला..(म्हंजी आनशीच्या सुना बरं का!खरतर यातलं एक लग्न दुरपदाने स्वतः जमवलं होत.पोरी गुणी होत्या.)म्हंजी ग???दूरपदाने गालात हसत ईचारलं. आनशी फुरंगटून म्हणाली,"आक्के तू पण हासतीयास मला,घरी दारी जरा बोलायला गेले तर वस्ककन अंगाव येत्यात. आता मात्र दुरपदा पुढं झाली,आनशे,मी हाये ना तुला.काय झालं माझे बाय???म्या आता येते तुझ्याबरुबर. बघतेच सुभानरावाला.हे ऐकून आनशीला धीर आला.ती पूड बोलू लागली.
काय असेल दुरपदाची कल्पना????पाहूया पुढील भागात