#गढीचा वाडा

वाड्यात एक चौकोनी आकाराची खिडकी होती. त्या खिडकीतून येणारे वारे म्हणजे आपला आत्ताचा एसी सुद्धा त्याच्यापुढे फिका पडेल... वाड्यात पाच भाऊ एकत्र असल्यामुळे वाड्यातील माणसांची व मुलांची संख्या अफाट होती. त्यामुळे आपला वाडा म्हणजे एक गजबजलेला गाव आहे असे सोनाक्षीताईना वाटायचे. वाड्याच्या खाली मोठा गोठा होता. गोठ्यामध्ये गाई,म्हशी यांची संख्या सुद्धा खूप जास्त होती, त्यामुळे दूध, दही ताक, लोणी,तूप यांना कोणत्याच प्रकारची कमी नव्हती.