शुभारंभ भाग १८

बरच वेळ विचार करत बसली .. भूतकाळात जाऊन परत वर्तमानात येत होती .. तिला सर्व आठवत होते .. ओम ने तिला प्रोपोज केलेला दिवस .. मग घरी एकटाच येऊन तिच्या वडिलांना सांगून गेला होता कि मी तुमच्या मुलीशी लग्न करणार आहे .. तुम्ही तिच्या लग्नाची चिंता करु नका ? मग तिच्या वडिलांनी त्याला चांगली झापली  होती. ती तेव्हा क्लास ला गेली होती आणि इकडे लव्ह मॅरेज म्हणून ओमच्या वडिलांनी  त्याला सांगितले होते कि तू दुसऱ्या जातीची मुलगी घरात आणशील तर तुला हे घर सोडावे लागेल . हे सगळे आठवून  प्राजक्ताला आता खूप हसायला येत होते पण त्यावेळी दोघेही खूप टेन्शन होते त्यांना .

एक दिवस प्राजक्ताला तिच्या बाबांनी घरात कोंडून ठेवले मुद्दामून कॉलेज ला पाठवले नाही . आणि हा तिला भेटायला इतका आतुर झाला होता .. तिची वाट बघून बघून त्याचे डोळे तरसले होते मग ओम तो ओम .. गप बसतो काय ? मुळात प्राजक्ता च्या बाबतीत इतका हळवा  आणि पझेसिव्ह होता कि स्वतःच्या आई वडिलांचा  आणि तिच्या वडिलांचा दोघांचा विरोध पत्करुन बसला होता .. हा रागाने मित्राची स्कूटर घेऊन प्राजक्ताच्या घराखाली आला आणि खालून मोठं मोठ्याने तिला हाका  मारू लागला .. प्राजक्ता खिडकीतूनच खुणवुन त्याला सांगत होती " तू जा .. आज बाबा घरात आहेत .. मी नाही येऊ शकत " पण तेव्हा कबीर सिंग सिनेमा नव्हता आला पण ओम प्रेमाच्या बाबतीत कबीर सिंग सारखाच होता .. कॉलेज मध्ये  असतानाचा  रुबाब जरा वेगळाच असतो नाही का ?