निरोप समारंभ भाषण (Send Of Speech For School & College In Marathi)

आदरणीय प्राचार्य आणि आदरणीय शिक्षकवृंद आणि माझ्या मित्र- मैत्रिणींनो! मी …… तुम्ही सगळे मला ओळखता. आज आपण इथं निरोप समारंभासाठी जमलो आहोत. खरं तर ही दोन वर्षे कशी पाखरांचे पंख लावून उडून गेली कळलेच नाही. शाळेतून इथं कॉलेजमध्ये अकरावीला प्रवेश घेतला. शाळेपेक्षा इथं खुल वातावरण मिळाले. आपण नवीन विश्वात आलो आहोत आता शाळकरी मुलगा न राहता कॉलेज कुमार झालो आहोत. याचा आनंद तर होताच पण एक भीती आणि हुरहूर देखील होती की आपल्याला हे नवीन जग सामावून घेईल का? आपल्याला इथं नवीन वातावरणात जमवून घेता येईल का? इथं शाळेत होते तसे मित्र मैत्रिणी आणि शिक्षक आपल्याला भेटतील का? मला अजून ही कॉलेजमधला पहिला दिवस आठवतो. त्या दिवशी मी गप्प- गप्प होतो पण मलाच काय पण सगळ्या वर्गातील मुला-मुलींना ओळख परेडच्या निमित्ताने .. …..सरांनी बोलतं केलं आणि सगळ्यांचेच संकोचाचे पाश कळून पडले आणि सगळेच नवीन वातावरणात विरघळून गेले.