सावित्रीचा वड भाग 1

आज तिचा लाडका मोठा भाऊ सुधीर येणार होता.आणि नेमकं आजच तिची महत्वाची एक्साम होती. त्यामुळे कॉलेजला जाणे तिला भाग होते.पणं भाऊ येणार असल्याच्या आनंदात असलेल्या निशा मॅडमनी ब्रेकफास्ट न करताच कॉलेज गाठले होते. मित्रमैत्रिणी सोबत रोज कॅन्टीन मध्ये काही बाही खाणारी निशा भावाच्या भेटीच्या ओढीने जणू भूकच विसरून बसली होती. मला न्यायला कॉलेजवर यायचं हे सकाळी भावाला फोनवरून बजावून झालं होत. त्यामुळे ती भावाची वाट इतकी आतुरतेने पाहत होती की कॉलेज सुटून कधीच तास निघून गेला होता हेच ती विसरून गेलेली.
एका तासाचा दोन तास झाले तरीही सुधीर आला नव्हता.आणि रोज ती ज्या बस ने जायची ती बस देखील मिस झाली होती.तिच्या मैत्रिणी केंव्हाच निघून गेल्या होत्या.आता एकटं बसण्यात काहीच अर्थ नाही म्हणून ती ही पायी निघाली होती.एक विश्वास मात्र कायम तिच्या मनी ठासून भरलेला होता की तिचा दादू तिचा शब्द मोडणार नाही तो नक्की न्यायला येणार म्हणजे येणारच…!