सासुरवाशीण

मेघनाची मुलगी आराध्या ही आता एक वर्षाची झाली होती. अशातच एके दिवशी श्वेताताईंना पॅरालिसिसचा अटॅक आला. खूप उपचार झाले. परंतु यश आले नाही. आता मात्र आपल्याला पूर्णपणे मेघनावरच अवलंबून राहावे लागणार. आता आपले कसे होईल? ही चिंता त्यांना सतावायची. मेघना मात्र जणू काही घडलेच नाही. एक कर्तव्य म्हणून आपण आपल्या सासुबाईंची काळजी घेतलीच पाहिजे असे म्हणून ती त्यांची सेवा करायची. अगदी हसतमुखाने. श्वेता ताईंना मात्र हळूहळू आपल्या कृत्याचा पश्चाताप व्हायला लागला.