सासूबाई ऐका न..

“आई, मी तुम्हां दोघांना माझ्या आईबाबांचा दर्जा दिलाय आणि तो कायम तसाच राहिल. म्हणून सून नाही तर मुलीच्या नात्याने काही प्रश्न विचारतेय. फक्त एकदा शांतपणे विचार करून सांगा.

आई, माझं लग्न ठरलं न, तेंव्हापासून माझ्या घरचे, मैत्रिणी  मला मी  सासरी गेल्यावर कसं वागावं, कशी जबाबदारी घ्यावी  याचं बाळकडू पाजत होत्या. ते वर्षानुवर्षे चालत आलेल्या जबाबदाऱ्यांचं ओझं माझ्या खांद्यावर टाकून मोकळ्या होत होत्या आणि मीही विनातक्रार मनापासून ते स्वीकारलं. त्यांच्या सूचनांचं काटेकोरपणे पालनही करत होते. पण मला सांगा आई, आजवर  कधी  नवऱ्या मुलाला सांगितलं जातं का ओ? की स्वतःचे जन्मदाते,आप्तेष्ट, मित्रमैत्रिणीना,सोडून येणाऱ्या तुझ्या पत्नीला दुःख देऊ नकोस. तिला घरकामात मदत करत जा. जसे तुझ्या आईवडील तिची जबाबदारी आहे तसच मुलीचे आईवडील तुझ्या आईबाबांसारखेच आहेत. त्यांना सांभाळण्यासाठी जबाबदारी तुझीच. नाही ना सांगत.! असं माझ्या तरी ऐकीवात नाही.”