सख्खे शेजारी.. अंतिम भाग

" आणायला कशाला पाहिजे? मला येतात करता." अनमोल नसलेली कॉलर टाईट करत म्हणाला. "हे बघ पिलुला सुद्धा डब्यात पोहे दिले आहेत. ती शाळेत गेली सुद्धा. तू झोपली होतीस म्हणून तिला इथे पाठवले नाही. कढी करून ठेवली आहे. डाळतांदळाच्या खिचडीला फोडणी देऊन ठेवली आहे. खायच्या आधी कुकर लाव. किंवा मावशी येतील त्यांना गॅस चालू करायला सांग. तू हलू नकोस. मी ऑफिसमध्ये डबा खाईन. रात्रीच्या जेवणाची काळजी करू नकोस. मी आल्यावर करतो काहीतरी." अनमोल बोलत होता आणि मेघनाच्या डोळ्यातल्या पाण्याची पातळी वाढू लागली होती. तिने भोकाड पसरले. ते बघून अनमोल घाबरला.