रेसिपी इन मराठी रगडा पॅटीस

रगडा पॅटीस

          रगडा पॅटीस                                                                   साहित्य:-  १ ते सव्वा वाटी पांढरे वाटाणे , आलं – लसूण पेस्ट , चवीनुसार २-३ हिरव्या मिरच्या , मूठभर बारीक चिरलेली कोथिंबीर , १ मध्यम आकाराचा टोमॅटो बारीक चिरून , एक चमचा गरम मसाला ,एक चमचा धने-जिरे पावडर , अर्धा चमचा हळद ,चवीनुसार मीठ व लाल मिरचीचे तिखट , ५-६ उकडलेले बटाटे , २ कांदे बारीक चिरून , १ चमचा चाट मसाला , २ चमचे कॉर्न फ्लोवर किंवा ब्रेडचा चुरा (ब्रेडक्रम्स). हिरवी चटणी ,चिंच गुळाची चटणी.                                                                                           कृती:-                                                                              रगडा :-  सर्वप्रथम वाटाणे रात्रभर भिजत घालावेत. सकाळी शिजवतानाच त्यात मीठ, हळद व थोडे तेल घालावे. ही उसळ मऊ शिजवून घ्यावी.(कडधान्ये व्यवस्थित शिजत नसल्यास त्यात चिमूटभर खायचा सोडा घालावा.) गॅसवर कढईत तेल गरम करून घेऊन त्यात अर्धी वाटी चिरलेला कांदा घालावा. त्यावर मिरची,आले-लसूण पेस्ट, घालून परतून घ्यावे. त्यावर बारीक चिरलेला टोमॅटो घालावा, व टोमॅटो शिजू द्यावा. हळद, लाल तिखट, गरम मसाला, धने, जिरे पावडर घालावी व सर्व मिश्रण परतून घ्यावे. व नंतर शिजलेले वाटाणे पाण्यासकट घालावेत व पळीने किंवा डावेने वाटणे थोडे घोटून घेऊन घट्ट दाटसर रगडा बनवावा. आवश्यकता वाटल्यास मीठ घालावे.                                                                                                                         पॅटीस :-उकडून घेललेले बटाटे सोलून हातानेच कुस्करून घ्यावेत. हिरवी मिरची, आले, लसूण याची पेस्ट करून ती किसलेल्या बटाट्यात घालावी. चवीनुसार मीठ व चाट मसाला घालून सर्व एकत्र मिसळून घ्यावे. नंतर तयार मिश्रणाचे छोटे छोटे कटलेट्स करून त्यांना कॉर्न फ्लोवर किंवा ब्रेडक्रम्स लावून शॅलो फ्राय करावेत. सर्व्ह करताना एका डिशमध्ये दोन-तीन पॅटीस घेऊन त्यावर रगडा घालावा. त्यावर आवडीप्रमाणे गोड व तिखट चटणी घालावी. बारीक चिरलेला कांदा व कोथिंबीर आणि बारीक शेव घालावी. .