राजा-राणी भाग-२

दुसऱ्या दिवशी आई-वडिलांचे आशिर्वाद घेऊन मी बस, ट्रेन, रिक्षा असा प्रवास करत या शहरात आलो. हे शहर माझ्यासाठी नवीन होतं. मला स्वप्नातल्या गावी आल्यासारखं वाटतं होत...... इथले रस्ते, बाग-बगीचे, उंच उंच इमारती, गर्दी आणि वेगवेगळ्या कार बघून मी आनंदलो होतो.......त्याचबरोबर आई वडिलांचं स्वप्न मी पूर्ण केलं याचा मला अभिमान वाटत होता.....मी रिक्षात असतानाच मित्राच्या मित्राला कॉल केला....तो मला घेण्यासाठी स्टॉप वर येऊन थांबला.......... त्याचं नाव राहुल.... रूमकडे जाता जाता राहुलने एका चहावाल्याला दोन चहा रूमवर पाठवायला सांगितलं...... मी त्याच्याबरोबर रूमवर गेलो......रूममध्ये सामान ठेवलं......थोडा निवांत होणार तेवढ्यात माझी नजर भिंतीकडे गेली .....वेगवेगळ्या पोजमध्ये..... वेगवेगळ्या होरॉइन्सचे फोटोज..... वेगवेगळ्या फिल्म्सची पोस्टर्स .....हे सर्व बघून मी थक्क झालो कारण माझ्यासाठी हे नवीन होतं.......त्यावेळी मी खूप साधा मुलगा होतो अगदी खेडवळ...... अंगात साधा ढगळा शर्ट, साधी पॅन्ट......शहरात येण्याअगोदर मी फक्त स्पर्धा परीक्षा, अभ्यास, अभ्यास आणि अभ्यासच केला होता.......मी खिडकीजवळ गेलो .....तिथून उंच उंच इमारती दिसत होत्या.......मनाला अगदी प्रसन्न वाटलं......
मी फ्रेश होण्यासाठी जाणार तेवढ्यात दारात चहावाला शंकर आला..... त्याने दारावर टक टक असं वाजवलं व बोलला,\" आय कमइन\". मी त्याच्याकडे पाहत राहिलो. लगेच तो म्हणाला, \"मी आता येऊ.\" राहुल ने ये ये म्हणून आवाज दिला....त्याने माझ्याकडे पाहुन स्माईल केलं व बोलला, \"नमस्कार अंकल.\" मी मानेनेच त्याला उत्तर दिलं. .....त्याने मला व राहुलला चहा दिला आणि बोलला,\" आय मे गो नाऊ.\" .......थोडं थांबून....\"मी जाऊ शकतो.\"....राहुल त्याला बोलला, \"मग काय मुक्काम करायचाय.\" तो लगेच घाईघाईने निघून गेला.....मला थोडं हसू आलं..... राहुल मला बोलला,\"अरे त्याला इंग्रजी बोलायला शिकायचंय.... जेव्हा जेव्हा येतो तेव्हा इंग्रजी बोलण्याचा प्रयत्न करत असतो.....

दुसऱ्या दिवशी सकाळी सकाळी मी माझे देव-देवता यांची पूजा करत होतो...... राहुल मात्र लवकर आवरून बिल्डींगखाली माझी वाट पाहत उभा होता. थोड्यावेळाने राहुलच्या बाईकवरून बँकेत आलो....... माझा पहिला दिवस.... गाडीवरून उतरल्याबरोबर मी आरशात पाहून माझे केस सेट करू लागलो........ राहुल बोलला,\" फर्स्ट डे.\" आतमध्ये गेलो तर वरिष्ठ कोणीही आलं नव्हतं..... फक्त शिपाई होता त्याने नमस्कार केला....राहुल मला बोलला, \"तुला लोन डिपार्टमेंट देतील वाटतं.\".......नंतर हळूहळू सर्व कर्मचारी आले...... मग बँक मॅनेजरने सर्वांना माझी ओळख करून दिली.