पुन्हा बरसला श्रावण.. भाग ९३

“शिवराज, मी तुला या आधीही सांगितलं होतं; आता पुन्हा एकदा सांगतो, तुझ्या प्रोबेशन पिरियडमध्ये तुला ज्या डिपार्टमेंटच्या कामाची जबाबदारी दिली आहे, ती तुला यशस्वीपणे पार पाडायची आहे. त्या त्या डिपार्टमेंटमधली माहिती घेऊन तरबेज व्हायचं आहे. यासाठी तुझ्याकडे सहा महिन्यांचा कालावधी आहे. तो कालावधी पूर्ण झाल्यानंतर तुझ्या सिनियर्सकडून तुझ्याबद्दल, तुझ्या कामाबद्दल चांगले रिपोर्ट्स सादर केल्यावरच तू आपल्या कंपनीसाठी योग्य उमेदवार आहेस हे सिद्ध होईल. मग त्यानंतर योगिनीकडून तुला अपॉइंटमेंट लेटर देण्यात येईल. तुझ्या हातात अपॉइंटमेंट लेटर येण्यासाठी तुला या सर्व परीक्षेत पास व्हावंच लागेल. आणि या सिनियर्समध्ये नंदिनीसुद्धा आहे हे विसरू नकोस. त्यामुळे नंदिनीच्या स्वीकृतीशिवाय तुझी नोकरी कन्फर्म होणार नाही. तुला तिच्यासोबतच काम करावंच लागेल. नाहीतर मग तुझा तू डिसिजन घेऊ शकतोस.”