पुन्हा बरसला श्रावण भाग ८५

“ईशू, तुला जिजुंची आठवण येणं साहजिक आहे. इतक्या लवकर अशी मनावर खोलवर झालेली जखम कशी भरून येईल? पण मला सांग, तुला पुढे चालावं तर लागेलच ना? फक्त आठवणींच्या आधारावर संपूर्ण आयुष्य असंच एकट्याने काढता येणार नाही ना? जोडीदार हवा असतोच गं. श्लोक म्हणतो ते अगदी बरोबर आहे. तू श्लोक सोबत लग्न करावं असं मलाही वाटतं. जो तुझ्यावर मनापासून प्रेम करतो. ज्याला आयुष्यभर तुला सुखात पाहायचं आहे. तुला सोबत द्यायची आहे तो फक्त आणि फक्त श्लोकच असू शकतो. मला मनापासून वाटतंय की श्लोकच तुला आयुष्यभर साथ देईल. तुला आनंदात ठेवेल. माझी खात्री आहे श्लोक तुझ्या घरच्यांनाही तुमच्या लग्नासाठी तयार करेल.”