पुन्हा बरसला श्रावण.. भाग ५५

“सर, तुम्ही म्हणता ते योग्यच आहे. एका विवाहित स्त्रीला नोकरी करायची असेल तर आधी आपलं कुटुंब आणि मग बाकीच्या गोष्टी पाहाव्या लागतात. दोन्ही गोष्टींचा समतोल साधणं थोडं कठीणच. मान्य आहे मला पण सर तुम्ही माझं काम न पाहता कसं ठरवू शकता की मला जमणार नाही? फक्त माझं लग्न झालंय म्हणून मी योग्य नाही हा निकष कसा लावू शकता तुम्ही? सर, तुमच्या माहितीसाठी सांगते, एक स्त्रीच सर्व गोष्टी छान सांभाळू शकते. मल्टीटास्किंगचा गुण तिच्यात आधीपासूनच असतो. म्हणूनच ती सर्व स्थरावर चांगली काम करू शकते. माफ करा सर, पण कामाची काहीही पडताळणी न करता एखाद्याविषयी आपलं मत बनवणं योग्य नाही. ठीक आहे तुमच्या निर्णयाचा मी मान ठेवते. अर्थात कंपनी तुमची आहे त्यामुळे निर्णयही तुमचाच. थँक्यू सर.. ”