प्रीतीसारंग-भाग-५

सगळं काही छान चालू होतं. रोज भेटीगाठी, गप्पा, चेष्टा, मस्करी होत असायची. अशातच कसे दिवस निघून गेले हे त्यांना कळलेच नाही. काॅलेजचे वर्ष संपत आले तसे कृतिकाच्या मनात चलबिचल सुरू झाली. आपल्या मनातील भावना त्याच्यासमोर व्यक्त करायचे असे तिने मनात ठरवले. मनात शब्दांची जुळवाजुळव करून ती त्याच्या काॅलेज कॅन्टीनमध्ये गेली. सगळीकडे शोधूनही तो तिला कुठेच दिसला नाही. आभाला विचारल्यावर तिलाही त्याच्याबद्दल काहीच माहिती नाही असे तिने सांगितले. त्याचा फोनही बंद येत होता. ती खूप उदास झाली. तो असा अचानक कोणाला काहीही न सांगता गायब झाला होता की त्याच्याबद्दल कोणालाच फारसं माहितीही नव्हतं. तिने तिच्या परीने शोध घेण्याचा खूप प्रयत्न केला पण त्यात तिच्या हाती काहीच लागले नाही.