प्रेमाचा चकवा भाग १२

" नाही आहे तेच बरं आहे. मला तो तुझ्या योग्य कधी वाटलाचं नव्हता पण तुझं प्रेम होतं म्हणून गप्प होते.
हे बघ निशु, पंकज खूप छान मुलगा आहे. तुला खूप खुश ठेवणार ग!  सगळं विसरून दोघेही छान गुण्या गोविंदाने नांदा. आम्हाला आणखी काय हवं? आई - बाबा पण खूप खुश आहेत, पुन्हा अशी काही वागू नकोस ज्यामुळे ते दुखावले जातील, खूप प्रेम आहे आम्हा सगळ्यांचे तुझ्यावर, तुला नेहमी सुखात बघायचं आहे आम्हाला, आणि ते सुख तुला नक्की पंकज देईल असं वाटतं,  बस तू त्याला प्रेम दे मग बघ त्या बदल्यात तो किती भरभरून प्रेम देतो तुला, भूतकाळात अडकून राहू नकोस काही मिळणार नाही, पंकजच्या रूपात उज्वल भविष्य तुझ्या समोर आहे त्याला लाथाडू नकोस... ताई तिला समजावण्याचा प्रयत्न करीत होती.