प्रेम रंग (सांग कधी कळणार तुला?) भाग २

सर्व पेपर्स, फाईल्स, लॅपटॉप, सगळं काही तिने त्याच्या परवानगीची वाट न पाहता त्याच्या टेबलवर ठेवले. तिच्या त्या पसाऱ्याने तो त्रासला किंचित. त्याने नजरेनेच तिचे लक्ष तिनेच केलेल्या पसाऱ्याकडे वेधले. ती मात्र अजूनही कुठल्या खुर्चीत बसू या संभ्रमात होती. खरंतर त्याच्या खुर्चीसमोर असलेली खुर्ची तिची आवडती जागा पण आज मात्र ती सततच्या कामामुळे वैतागली होती आणि म्हणूनच ती शेजारच्या खुर्चीवर बसली. त्याने यावरही किंचित नाराजी व्यक्त केली पण ती सुद्धा फक्त डोळ्यांनीच. त्याचे शब्द हे जणू प्लॅटिनमपेक्षाही जास्त किमती होते.