प्रतिक्षा फक्त तूझीच अंतिम भाग

या दोन महीन्यात संतोषवर सोपवलेला प्रोजेक्ट लवकरात लवकर लाँच करायचा होता. संतोष ही अश्विनीप्रणाचेच कष्टाळु होता. पण तिच्या इतका तो खडूस तर नक्कीच नव्हता. त्याने प्रेमाने त्याच्या टीमची मन जिंकून घेतली होती. त्यावर अश्विनीही लक्ष देऊन होती आणि बाकी ब्रांचची सगळीच जबाबदारी आता तिच्यावर होती. त्यामुळे या दोन महीन्यात सगळीकडची काम तिने हातावेगळी करायला घेतली. नंतर किमान वीस दिवस तरी नीरज तिला काम करु देणार नव्हता. त्याने लग्नानंतर देवदर्शन झाल्यावर लगेचचं पंधरा दिवसांचा फिरायला जायचा प्लॅनही आधीच करुन ठेवला होता.