प्रतारणा .. भाग - 42

         विजया रोज रात्री त्याला टाळत होती. कधी लवकर झोपून जायची तर कधी उशीरा रुममध्ये यायची. तरीही स्वप्निल काहीही म्हणाला नाही. विजया सगळ्यांची काळजी घेत होती. सर्वच तिला खूप जपत होते. सुप्रिया स्वप्नाली यांची बाँडिंग तर छान झाली होती. पण स्वप्निल आणि विजयाच्या नात्यात म्हणा तसा बॉन्ड तयार झाला नव्हता पण त्याची खूप काळजी घेत होती. आणि हे त्याला ही दिसून येत होतं.

आता त्यांना पुण्याला जायचे होते . त्याला कॉलेजला रुजू व्हायचे होते. त्याआधी तो जाऊन आला होता . पुण्याला त्यांचा फ्लॅट असल्याने राहण्याचा प्रश्नच 

उरलाच नव्हता. सामान पॅक करून सर्वच पुण्यासाठी निघाले. सुप्रिया विजयाने मिळूल घर व्यवस्थित लावले. छोटा देव्हारा त्यात बाप्पाची मूर्ती , लडडू गोपालांची मूर्ती दिवा लावला ,अगरबत्तीचा सुवास दरवळला त्याने सर्वांचे चित्त प्रसन्न झाले. कामाने दोघेही थकले होते. म्हणून संजयराव बाहेर जेवणाचा आग्रह करत होते . हो नाही करता करता सर्व बाहेर जेवणाला गेले. स्वप्निलचे रुटिन सुरु झाले आणि पाच सहा दिवसानंतर सुप्रिया स्वप्नाली संजयरावांनी घरी परतण्याचा विषय काढला. विजयाचा खाडकन चेहरा उतरला तिच्या डोळ्यात पाणी आले. ती उठून बेडरूम च्या गॅलरीत उभी राहून रडत होती. तिच्या मागोमाग सुप्रिया आली , तिच्या खांद्यावर हात ठेवला. विजयाने पाहिले. आणि इतक्या वेळ अडवून ठेवलेला हुंदका बाहेर पडला.